23.9 C
Dushanbe

Баъди 6 моҳи хидмати ҳарбӣ ҷасади сарбозро ба хонаашон оварданд

Ҷасади сарбозеро, ки бо хоҳиши худаш ба хизмати ҳарбӣ рафта буд, субҳи 21-уми апрел кормандони комиссариати ҳарбии ноҳияи Деваштич  ба наздиконаш супурданд. Ҷавон Раҷабалӣ Назаров ном дошта, сокини 19-солаи деҳаи Каҷровути ҷамоати Исмоили Сомонии ноҳияи Деваштич буд.

Мақомот сабаби марги сарбози ҷавонро дарди шадиди гурда ва аз кор мондани он гуфтаанд, аммо наздикони сарбоз чизи дигар мегӯянд.

Абдуҳафизи Ғойибназар, бародари Раҷабалӣ Назаров, рӯзи 21-уми апрел дар суҳбат бо Радиои Озодӣ гуфт, “соати 10:20 оварданд ва соати 11 шустему гӯрондем, зеро хуни зиёд дошт. Лабу биниаш кабуд ва чанд ҷояш зада буд. Қафои сараш дарида ва захми зиёд дошт.”

Ҳамчунин наздикони сарбоз мегӯянд, ки “агар гурдааш дард дошт, чаро лабу аъзои дигари баданаш кабуд буд?”

Абдуҳафиз ба Радиои Озодӣ гуфт, ки вақте Раҷабалиро ба хидмат бурданд, ягон беморӣ надошт. Дар идома ӯ мепурсад, ки агар додараш бемории гурда дошт, чӣ гуна ба хидмати ҳарбӣ қабул карданд?”

Раҷабалӣ Назаров тирамоҳи соли 2020 бо ихтиёри худ ба хидмати ҳарбӣ рафта буд. Ба гуфтаи наздиконаш, ӯ 6 моҳ дар қисми низомие дар ноҳияи Восеъ адои хидмат намуда, як ҳафта пеш ӯро ба ноҳияи Мурғоби ВМКБ бурда будаанд.

Падар ва як бародари Раҷабалӣ дар муҳоҷират дар Русия қарор доштаанд ва бо шунидани ин хабар ба Тоҷикистон омада истодаанд. Наздикони сарбоз ният доранд, барои таҳқиқи марги ӯ ба додситонӣ ва мақомоти зидахл шикоят баранд, аммо то куҷо ин қазия ҳалли худро пайдо мекунад касе чизе гуфта наметавонад.

Ҳамасола бо сабаби шиканҷаву барафторӣ дар қисмҳои низомӣ аз маъюб шудан ва ҳатто аз марги наваскарон хабарҳо нашр мешавад. Бино ба иттилои “Дафтари озодиҳои шаҳрвандӣ” аз соли 2015 то 2019 ҳудуди даҳ ҳолати марги сарбозон дар қисмҳои низомӣ ошкор шудааст ва аксари онҳо дар пайи бадрафторӣ ё азияти сарбозон рух додааст.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Ихроҷи 600 муҳоҷири кории тоҷик аз Корея

Дар давоми камтар аз як моҳи ахир мақомоти Кореяи Ҷанубӣ беш аз 600 муҳоҷири кории шаҳрвнадони Тоҷикистонро аз ин кишвар ихроҷ кардаанд.

Сафари Шавкат Мирзиёев ба Душанбе

Раисҷумҳури Узбекистон Шавкат Мирзиёев рӯзи 18-уми апрели соли ҷорӣ бо сафари расмӣ вориди пойтахти Тоҷикистон шаҳри Душанбе шуд.

Тахриби масҷид дар Маскав

Мақомоти дахлдлори Русия дар шаҳри Троитски вилояти Маскав масҷиди Абӯбакрро пурра тахриб карданд.

Боздошти боз як тоҷик дар Русия

Дар шаҳри Твери Русия як гумонбари дигар дар робита ба ҳамлаи террористӣ дар "Крокус Сити Ҳолл"-и Красногорск боздошт шуд.