35.9 C
Dushanbe

Баъди сафари Расулзода ба Маскав, парвозҳо байни Русия ва Тоҷикистон барқарор мешаванд?

Ҳукумати Русия тасмим гирифта, ки як ҳайати коршиносони “Роспотребнадзор”-ро ба Тоҷикистон фиристад то мутахассисони ин ниҳод вазъияти эпидемиологӣ дар Тоҷикистонро бисанҷанд.

Ин иқдом дар пайи дархости Қоҳир Расулзода, нахуствазири Тоҷикистон барои оғозои парвозҳо сурат гирифтааст. Дар ин бора расонаи русии “Спутник” аз қавли котиботи Ҳукумати Русия хабар медиҳад.

Бо вуҷуди оне, ки раисҷумуҳур Эмомалӣ Раҳмон дар паёми солонааш гуфт, дар Тоҷкистон дигар “Covid-19” вуҷуд надорад, аммо на ҳама ба ин гуфтаҳои ӯ бовар доранд.

Ҳамин тавр пештар ширкати ҳавопаймоии “Аэрофлот”-и Русия эълом дошт, ки парвозҳои мунтазам бо чаҳор кишварро аз сар мегирад ва дар байни ин кишварҳо Қазоқистон ҳам дохил аст. Аммо бо Тоҷикистон дар ин робита аз этиҳтиёт кор мегиранд, гарчанде, ки мақомот иддао доранд, ки вирус дар Тоҷикистон нест.

Ба навиштаи “Спутник”, созиш дар мавриди сафари ҳайати “Роспотребнадзор” зимни ҷаласаи Комиссияи байниҳукуматӣ таҳти роҳбарии Қоҳир Расулзода, сарвазири Тоҷикистон ва Алексей Оверчук, ноиби раиси ҳукумати Русия ҳосил шудааст.

Сурат: government.ru

Ҳукумати Русия таъкид кардааст, ки ин ҳайат эҳтимолияти вуруд ва паҳншавии коронавирусро баҳогузорӣ хоҳад намуд.

“Ҷонибҳо созиш карданд, ки мутахассисони Хадамоти федералии ҳифзи ҳуқуқи истеъмолкунандагон ва накӯаҳволии инсон аз Тоҷикистон боздид карда, вазъи эпидемиологиро баҳогузорӣ кунанд. Ин ҳайат дар пайи омӯзиш ба Ситоди пешгирии вуруду паҳншавии коронавирус дар Русия гузориш хоҳад дод”.

Бояд гуфт, ки равобити ҳавоии миёни Тоҷикистону Русия ба далели авҷи бемории коронавирус баста шуд ва ҳоло шаҳрвандон танҳо тариқи парвозҳои чартерӣ сафар намуда, аз гаронии нархи чипта изҳори нигаронӣ мекунанд. Баста шудани марзҳо боис шуда, ки наздики як милион сокинони Тоҷикистон кору даромади худро аз даст бидиҳанд.

Бо иддаои Эмомалӣ Рамҳон, он нафароне, ки натавонистанд ба Русия сафар кунанд, ба кор таъмин шудаанд, аммо хонаводаҳоеро, ки даромадашон аз муҳоҷират вобаста буд, бекорӣ нигарон кардааст.

Дар зимн Алексей Оверчук ба Қоҳир Расулзода кори замимаи телефонии “Сайёҳат бе COVID-19″ – ро нишон дода, пешниҳод кардааст, ки Тоҷикистон ба ин барнома пайваст шавад.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Трамп расман ба даст доштан дар ҷинояти нав муттаҳам шуд

Доналд Трамп, собиқ раисҷумҳури Амрико аз сӯи Вазорати додгустарии ин кишвар дар парвандаи нигаҳдории асноди маҳрамонаи давлатӣ пас аз поёни давраи президентияш муттаҳам мешавад.

Мулоқоти сафири Тоҷикистон бо Додситони кулли Туркия

Ашрафҷон Гулов, домоди Эмомалӣ Раҳмон ва сафири Тоҷикистон дар Туркия, 8-уми июни соли ҷорӣ бо Додситони кулли Туркия Бекир Шоҳин мулоқот карда, ба густариши ҳамкориҳо таъкид кард.

Ифтитоҳи бузургтарин масҷиди Осиёи Марказӣ дар Тоҷикистон

Бузургтарин масҷиди Осиёи Марказӣ бо ҳузури Амири давлати Қатар Шайх Тамим ибни Ҳамад Оли Сонӣ ва Эмомалӣ Раҳмон, Президенти Тоҷикистон дар шаҳри Душанбе мавриди баҳрабардорӣ қарор гирифт.

Имзои 15 санади ҳамкорӣ байни Тоҷикистон ва Қатар

Маросими имзои 15 санади ҳамкорӣ байни Тоҷикистон ва Қатар бо ҳузури сарони ду кишвар дар шаҳри Душанбе баргузор шуд.