17.9 C
Dushanbe

Бар асоси ҳукми раиси ҷумхурии Тоҷикистон аз 23 март воксиназанӣ оғоз шуд

Рӯзи 22-юми март Эмомалӣ Раҳмон қарореро ба имзо расонд, ки тибқи он аз ҳамин рӯз 23-юми март ваксинзанӣ бар зидди бемории COVID-19 оғоз мешавад. Дар ин қарор омадааст, ки “аз 22 марти соли 2021 иммунизатсия бар зидди бемории сироятии COVID-19 дар Ҷумҳурии Тоҷикистон байни гурӯҳҳои осебпазири аҳолӣ марҳила ба марҳила гузаронида шавад.”

Ҳамчунин ниҳодҳои гуногун вазифадор шудаанд, ки дар раванди ваксинзанӣ ба Вазорати тандурустӣ кумак кунанд ва вазорат баъд аз 15 рӯзи ҳар марҳила ба ҳукумат гузориш бидиҳад.

Бар асоси ин қарор имрӯз аввалин шуда, Ҷамоллидин Абдуллозода вазири тандурустии Тоҷикистон дар Маҷмааи тандурустии “Истиқлол” бо ваксини “AstraZeneca” эм карда шуд.

Дар баробари вазир, ҳамчунин муовинони ӯ Ғафур Муҳсинзода, Шодихон Ҷамшед, Самариддин Ализода низ ваксина зада шуданд.

Ба ҷуз аз вазиру муовинони ӯ, роҳбари Намояндагии Ташкилоти умумиҷаҳонии тандурустӣ Виктор Олшавский, намояндаи Хазинаи кӯдакони СММ (ЮНИСЕФ) дар Тоҷикистон Осама Маккави, сардори Раёсати тандурустии шаҳри Душанбе, сардорони раёсатҳои зерсохтори вазорат, роҳбарони як қатор муассисаҳои тандурустии шаҳри Душанбе дар ҳузури хабарнигорон эм карда шуданд.

Гуфта меавад, ки дар марҳилаи аввал кормандони соҳаи тандурустӣ, соҳаҳои стратегии хоҷагии халқ, шаҳрвандони синну соли аз 60-сола боло, нафарони дорои бемориҳои музмини ғайрисироятӣ ва кормандони соҳаи маориф ва илм эмгузаронӣ мешаванд.

Дар Тоҷикистон дар ҳоле эмгузаронӣ оғоз ёфт, ки аксар кишварҳои Иттиҳоди Аврупо лахта шудани хунро дар бадани касоне, ки аз ин ваксина зада шуданд, мушоҳида карданд ва бо ин далел истифодаи онро ҳоло мутаваққиф кардаанд. Аммо Созмони ҷаҳонии беҳдошт гуфт, ки ҳеч далели қавие вуҷуд надорад, ки алоқаи мустақими лахташавии хунро бар асари ваксинаи “АstraZeneca” исбот кунад. Аз ин рӯ, аз ин кишварҳо хост истифодаи онро бознадоранд.

Ёдовар мешавем, ки Тоҷикистон шаби 9 марти соли равон дар чорчӯби барномаи “COVAX” 192 ҳазор воя аз ваксинаи зидди вируси COVID-19 АstraZeneca-ро дастрас намуд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Идомаи “рейд”-и муҳоҷирон дар Русия

Ҳафтаи дуюм аст, ки дар шаҳру ноҳияҳои Федератсияи Русия...

Боздошти собиқ раиси Тоҷик-Эйр

Мақомоти Тоҷикистон собиқ раиси Фурӯдгоҳи байналмилалии шаҳри Душанбе ва ширкати ҳавопаймойи "Тоҷик-Эйр"-ро боздошт кардаанд.

Сиёсати ҷанг ё идораи об?

Дар натиҷаи набардҳои ба вуҷуд омада дар минтақаҳои ҳаммарзи Афғонистон ва Эрон дасти кам се нафар кушта ва даҳҳо каси дигар аз ду тараф ҷароҳат бардоштанд.

Аз истирдоди як тоҷик ба Душанбе пешгирӣ шуд

28-уми майи соли ҷорӣ аз истирдоди паноҳҷӯи тоҷик Сорбон Абдураҳимзодаи 30-сола аз Варшава ба Душанбе пешгирӣ шуд.