20.9 C
Dushanbe

Баррасии ҳамкориҳои Тоҷикистон ва Ватикан

Мақомоти олии Тоҷикистон ва Ватикан зимни як мулоқот ва вазъи ҳамкориҳои худро баррасӣ карданд.

Бино ба иттилои расмӣ, имрӯз, 10-уми июни соли 2024, Сироҷиддин Муҳриддин, вазири корҳои хориҷии Тоҷикистон бо Кардинал Пиетро Паролин, котиби давлатии Ватикан дар шаҳри Душанбе мулоқот кард.

Ба қавли манбаъ, дар рафти ин мулоқот “ҷонибҳо вазъи кунунӣ ва дурнамои муносибатҳои дуҷониба, мавзуҳои амнияти минтақавӣ ва дигар масъалаҳои мавриди таваҷҷуҳи тарафайнро баррасӣ намуданд.”

Гуфта мешавад, тибқи оморҳои расмӣ ҳудуди 98 дарсади мардуми Тоҷикистон пайравони дини ислом мебошанд, аммо тайи беш 30 соли ҳукумати Эмомалӣ Раҳмон беш аз 70 иттиҳодияҳои динии ғайри исломӣ низ расман дар Тоҷикистон амал мекунанд, ки аксари онҳоро пайравони ҷараёнҳои мухталифи масеҳӣ ташкил медиҳад.

Инчунин Эмомалӣ Раҳмон дар рафти сафари ахири худ ба Итолиё, ки 22-уми апрели соли ҷорӣ оғоз ва наздик ба ҳафта давом кард, 26-уми апрел ҳам бо Попи Рим Франсиск, раҳбари котоликҳои ҷаҳон мулоқот ва гуфтугӯ карда буд.

Ҳукумати Эмомалӣ Раҳмон дар ҳоле муносибатҳои худро бо Ватикан беш аз пеш густариш додааст, ки дар ду моҳи ахири муборизаи мақомоти кишвар бо баҳонаи ривоҷ додани фарҳанги алайҳи бонувони ҳиҷобпӯш афзоиш ёфта, сару садоҳои зиёдеро дар кишвар ва хориҷ аз он ба бор овардааст.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Гумонбарон дар қатли занҷираии Конибодом боздошт шуданд?

Мақомот гумонбарон дар қатли занҷираӣ дар шаҳри Конибодоми вилояти Суғдро боздошт кардаанд.

Ҳушдори КҲФ аз омадани сел дар баъзе манотиқ кишвар

Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон ба сокинон ва меҳмонони кишвар аз эҳтимоли омадани сел дар чанд ноҳияи кишвар ҳушдор медиҳад.

Боздошти Усмонзода бо иттиҳоми ғасби ҳокимият

Дахлнопазирии вакили парлумони кишвар Саидҷаъфар Усмонзода бекор ва худи ӯ ба ҳабси пешакӣ гирифта шуд.

“Карим”-ро аз Русия ихроҷ карданд

Мақомоти Русия варзишкори тоҷик ва қаҳрамони ду вазни созмони "Hardcore MMA" Фазлиддин "Карим" Мадраҳимовро аз ин кишвар ихроҷ карданд.