Масоили ҳамкориҳои тиҷоратӣ, иқтисодӣ ва сармоягузориҳои Тоҷикистон ва Арабистони Саудӣ дар шаҳри Душанбе мавриди баррасӣ қарор гирифтанд.
Бино ба иттилои расмӣ, 4-уми декабри соли 2023, Эмомалӣ Раҳмон, Президенти Тоҷикистон бо Султон Абдурраҳмон ал-Маршад, раиси Фонди Рушди Саудӣ дар Қасри миллат мулоқот кардааст.
Ба қавли манбаъ, дар рафти ин мулоқот ҷонибҳо дар робита ба “масоили тавсеаи робитаҳои иқтисодию тиҷоратӣ ва молиявию сармоягузории Ҷумҳурии Тоҷикистон ва Подшоҳии Арабистони Саудӣ, аз ҷумла ҳамкорӣ бо Фонди Саудии Рушд” суҳбат карданд.
Инчунин дар ҷараёни ин мулоқот ҳар ду ҷониб ба тавсеаи ҳамкориҳо таъкид карда, гуфтанд, ки татбиқи тарҳҳое дар “соҳаҳои маориф, нақлиёт, тандурустӣ, гидроэнергетика ва идоракунии об” аз бахшҳои муҳим дар оянда хоҳанд буд.
Гуфта мешавад, дар чанд соли ахир Ҳукумати Тоҷикистон ба баҳонаи таъмири нерӯгуҳҳои барқӣ-обӣ ва бахусус сохтмони Неругоҳи “Роғун” тавонистааст, ки сармояҳои зиёдеро ба кишвар ҷалб кунад, аммо бо сабаби зиёд будани фасод дар ҳукумати кишвар маълум кардани иттиллот аз дигар манбаъҳои озод дар бораи пулҳои харҷшуда дар ин тарҳҳо мушкил аст.
