27.9 C
Dushanbe

Бинёмин Натанёҳу аз мақоми сарвазирии Исроил канор зада шуд

Парлумони Исроил шоми рӯзи якшанбе (13 июн) бо 60 раъйи ҷонибдор ва 59 раъйи мухолиф Нафталӣ Беннеттро сарвазири ҷадиди Исроил интихоб кард ва ба сарвазирии Бинёмин Натанёҳу ва ҳукумати ӯ хотима дод.

Нафталӣ Беннетт, ки аз ӯ ҳамчун сиёсатмадори ростгарои ифротӣ ном мебаранд, баъд аз даргириҳои ахир байни Исроилу қувваҳои муқовимати фаластинӣ аз Натанёҳу интиқод кард ва бо таъсиси як эътилоф аз чанд ҳизби мухолиф тавонист ӯро аз маснади сарвазирӣ, ки 12 сол боз ба он такя зада буд, канор занад.

Дар вокуниш ба интихоби Нафталӣ, Натанёҳу гуфт, ки ба зудӣ ҳукумати навро шикаст хоҳад дод. Ба қавли ӯ, Нафталӣ тавони мубориза бар зидди Эронро нахоҳад дошт.

Шаст аъзои Кнессет (Парлумони Исроил) ба тарафдории эътилофи ҳаштҳизбӣ алайҳи Нетанёҳу овоз доданд. 59 нафар аъзои парлумон, аз ҷумла ҳизбҳои ростгаро ва мазҳабӣ, инчунин аъзои ҳизби Ликуд, муқобил овоз доданд. Ҳангоми овоздиҳӣ яке аз намояндагони ҳизбҳои эътилофи ҳукумати нав ҷаласаро тарк кард. Бо ин роҳ, вакилон бо овоздиҳии аксарияти ноустувор имкон ёфтанд, ки ҳукумати навро таҳти роҳбарии Нафталӣ Беннетт дар Исроил таъсис диҳанд.

Ин овоздиҳӣ ба муҳлати тӯлонии раёсати Бенёмин Нетанёҳу, сиёсатмадори ростгарои муҳофизакори Исроил хотима мебахшид. Вай 12 сол ба ҳайси сарвазири Исроил кор кардааст.

Гуфта мешавад, пас аз овоздиҳӣ Нафталӣ Беннетт ҳамчун сарвазири нави ин кишвар савганд ёд кард. Тибқи тавофуқи ҳизбҳои эътилоф, Беннетт то моҳи августи соли 2023 дар мақоми сарвазири Исроил боқӣ хоҳад монд. Пас аз он Яш Лапид, раҳбари ҳизби “Яш Атид” то охири муҳлати қонунгузорӣ ба сарвазири Исроил интихоб мешавад.

Исроил аз соли 2019 ба мушкилоти ташкили ҳукумати нав рӯ ба рӯ шудааст. Аз он вақт инҷониб дар ин кишвар панҷ маротиба интихоботи парлумонӣ баргузор шудааст.

Сарвазири тозаинтихоби Исроил дар мавриди сиёсатҳои хориҷӣ, аз ҷумла дар масъалаи силоҳи ҳастаии Эрон аз Натанёҳу камӣ надорад. Ӯ ҳамчунин аз ифротгароёне дар мавриди сокинкунондани яҳудиён дар заминҳои фаластиниён дониста мешавад.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Сохти беш аз 100 дидбонгоҳи марзии ҷадид

Толибон дар марз байни Афғонистон ва кишварҳои ҳамсояи он зиёда аз 100 дидбонгоҳи марзии нав сохтанд.

Мулоқоти Эмомалӣ бо Дабири кулли СММ

Раисҷумҳури Тоҷикистон Эмомалӣ Раҳмон дар Ню-Йорк бо Дабири кулли Созмони Милали Муттаҳид Антониу Гутерриш мулоқот кард.

Озодии 10 зиндонӣ бо пардохти 6 миллиард доллар

10 нафар аз зиндониёни эронӣ ва амрикоӣ бо "пардохт"-и 6 миллиард доллар озод шуданд.

Зеленский ҷаҳонро аз оғози ҷанги ҷаҳонии сеюм ҳушдор дод

Владимир Зеленский, раисҷумҳури Украина 17-уми сентябр дар мусоҳибае бо...