32.9 C
Dushanbe

Бинои нави Парлумонро Саудӣ насохт, Чин месозад

Акс аз: “Asia-Plus”

Сохтмони бинои нав барои Ҳукумат ва Парлумони Тоҷикистон рӯзҳои наздик оғоз хоҳад шуд. Қарор аст ин биноҳои Ҳукумат ва Парлумони кишварро мутахассисони чинӣ бисозанд.

Ҷамшед Аҳмадзода, раиси Кумитаи меъморӣ ва сохтмони Тоҷикистон, ки рӯзи 17 июл дар як нишасти хабарӣ дар баробари рӯзнаманигорон сӯҳбат мекард гуфтааст, муттахасиссон як маротиба омаданд, вале коронавирус сабаб шуд, ки корҳои сохтмонӣ ба ақиб андохта шавад.

Ҷаноби Аҳмадзода гуфтааст, сохтмони биноҳо давоми се сол ва ё чизе бештар аз он тӯл хоҳад кашид, зеро ин биноҳо хеле боҳашамат мебошанд:

Ҷамшед Аҳмадзода, раиси Кумитаи меъморӣ ва сохтмони Тоҷикистон гуфт: “Биноҳо бисёр калон аст. Масоҳати бино аз 42 то 44 ҳазор метри мураббаъ, ки аст, то се –чор солро дар бар мегирад ва ба сифат низ аҳамияти зиёд медиҳем”.

Бар пояи қарордод бо ҷониби Чин  80%  сохтмончиҳои ин биноҳоро кормандони маҳаллӣ ташкил хоҳанд дод. Ин ду бино бо дастгирии ҳукумати Чин ва бо маблағи 1-уним миллиард юани чинӣ муодили 270 миллион доллари амрикоӣ сохта мешаванд.

Тибқи қарордоди Тоҷикистон ва Чин, “масоҳати қитъаи замини Маҷмааи Ҳукумати Тоҷикистон наздики 11 гектарро ташкил дода, дар он бинои 15 ошёнаи Ҳукумат, ду бинои 13 ошёнагии идораҳои назди Ҳукумат, гулгашт бо роҳу пайроҳаҳо бунёд мегардад. Баландии умумии бинои марказӣ 91,5 метрро ташкил медиҳад”.

Бинои Парлумон дар шафати хиёбони Рӯдакӣ бунёд шуда, дар қисми пеши он гулгашт бо фаввораҳо, роҳу пайроҳаҳо ба нақша гирифта шудааст. Баландии бинои асосӣ 49,7 метр, бо назардошти гунбаз – 70 метрро ташкил медиҳад. Масоҳати умумии бинои Парлумон 42 ҳазору 874 метри мураббаъ мебошад.

Ибтидо мақомоти Тоҷикистон эълон карда буданд, ки ин биноҳо бо сармояи Арабистони Саудӣ бунёд мешаванд, вале баъдан ҷонибҳо ба тавофуқ нарасиданд ва Тоҷикистон сохтмони ин ду қароргоҳро ҳам ба ихтиёри чиниҳо вогузор кард.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Латтукӯби муҳоҷирон ва ба маконҳои номаълум бурдани онҳо идома дорад

Чанд рӯзи ахир боздошт ва латтукӯби муҳоҷирон, бахусус муҳоҷирони тоҷик аз ҷониби нерӯҳои амниятӣ ва интизомии Русия бештар шудааст.

Рафту омад дар роҳи Душанбе-Хуҷанд маҳдуд шуд

Шуруъ аз имрӯз, 1-уми июни соли ҷорӣ дар шоҳроҳи Душанбе-Чаноқ барои рафту омади мошинҳо маҳдудият ҷорӣ шудааст.

Эълони ҳукми зиндони сарбозоне, ки наваскаронро латтукӯб карданд

Чанд сарбозе, ки дар як навор навсакаронро бераҳмона латтукӯб мекарданд, ҳамаи онҳо равонаи зиндон шуданд.

Сафорат боздошти муҳоҷирон дар Митиноро шарҳ дод

Сафорати Тоҷикистон дар Маскав рӯзи 30-уми майи соли ҷорӣ пас аз боздошти беш аз 150 муҳоҷири корӣ, ки дар расонаҳои дохилӣ ва хориҷӣ бозтоби густарда ёфт, шарҳ дод.