21.9 C
Dushanbe

Таъйини намояндаи нави Бонки ҷаҳонӣ дар Тоҷикистону Туркманистон

Бонки ҷаҳонӣ 2-юми август Озан Севимлиро ҳамчун намояндаи доимии худ дар Тоҷикистон ва Туркманистон таъйин кард. Ӯ дар ин мақом Ян-Петер Олтерсро, ки аз моҳи апрели соли 2017 иҷрои вазифа мекард, иваз намуд. Дар ин бора Маркази матбуоти Намояндагии Бонки Ҷаҳонӣ (НБҶ) дар шаҳри Душанбе хабар дод.

Бино ба иттилои НБҶ, Озан Севимли аз соли 2005 ҳамчун корманди бонки мазкур дар кишварҳои Аврупо, Осиёи Марказӣ, Африқо ва Амрикои Лотинӣ дар вазифаҳои гуногун кор кардааст. Ӯ аз соли 2019 то 2021 ҳамчун намояндаи доимии Бонки ҷаҳонӣ дар Ямайка ва Гайана фаъолият кардааст.

Гуфта мешавад, Бонки ҷаҳонӣ аз оғози пандемия дар соли 2020 ба Тоҷикистон барои мубориза ва пешгирӣ аз паҳншавии ин беморӣ 32,5 миллион доллари ИМА кумак расондааст. Ин кумакҳо бештар барои дастгирии хонаводаҳои камбизоати кишвр равона шуда буд, аз ҷумла 8,63 млн доллари он барои эмкунии гурӯҳҳои афзалиятноки аҳолӣ зидди COVID-19 ҷудо шуда буд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Қатъи нерӯи барқ дар Тоҷикистон дар рӯзҳои гарми тобистон

Дар ин тобистони гармӣ сокинон аз гӯшаву канори кишвар аз маҳдудияти барқ дар кишвар шикоят доранд.

Дар Русия ҳафт навъи пардохти давлатии иловагӣ барои муҳоҷирон ҷорӣ мешавад

Вазорати молияи Русия лоиҳаи қонунеро таҳия кардааст, ки бо қабули он кисаи бе ин ҳам холии муҳоҷирон дар ин кишвар холитар мешавад.

Як шаҳрванди Тоҷикистон дар Русия ба хотири дашноми пулис зиндонӣ шуд

Додгоҳи шаҳри Қурғани Русия як шаҳрванди 32-солаи Тоҷикистонро барои "дашном" ва "зӯроварӣ нисбати корманди ҳифзи ҳуқуқ" маҳкум ба зиндон кард.

Ваҳдат ё ваҳшат?

Маросими таҷлил аз 28-умин солгарди ҷашни Рӯзи Ваҳдат бо иштироки Эмомалӣ Раҳмон, Президенти Тоҷикистон дар Хоруғ, маркази Вилояти Мухтори Кӯҳистони Бадахшон баргузор мешавад.