Тибқи нишондодҳои расмӣ, дар 4 моҳи аввали соли ҷорӣ Маҷмуи маҳсулоти дохилӣ дар кишвар 8 дарсад рушд карда, сатҳи таваррум 2,3 дарсадро ташкил додааст.
Бино ба иттилои Бонки миллии Тоҷикистон, 29-уми майи соли 2023 ҷаласаи ҳаштуми Шӯрои миллии суботи молиявӣ дар кишвар бо раҳбараии Вазири иҷтисод ва савдои кишвар Завқӣ Завқизода баргузор гардид.
Дар ин нишаст “таъкид гардида, ки дар солҳои охир шумораи ҳамёнҳои электронӣ қариб 2 маротиба афзоиш ёфта, ҳиссаи амалиётҳои ғайринақдӣ тавассути воситаҳои электронии пардохтӣ анҷомдодашуда аз 4,9 фоизи соли 2018 то 12,0 фоиз дар соли 2022 расонида шуд.”
Гуфта мешавад, Шӯрои миллии суботи молиявӣ дар Тоҷикистон мақоми байниидоравии доимоамалкунандаи машваратӣ буда, “бо мақсади баррасии масъалаҳои таъмини суботи молиявӣ, муайян намудани хавфҳо ва минбаъд андешидани чораҳои зарурӣ ҷиҳати коҳиш додани хавфҳо дар иқтисодиёт, низоми молияи давлатӣ, бонкӣ ва бахши хусусӣ (дар соли 2018) таъсис дода шудааст.”