21.9 C
Dushanbe

Боз шудани парвандаи маъмурӣ барои як муҳоҷири намозхон

Як сокини Осиёи Марказӣ дар шаҳри Санк-Петербурги Русия барои гузоштани намоз дар роҳ ба ҷавобгарии маъмурӣ кашида шуд.

Хабаргузории “Интерфакс” рӯзи чоршанбе бо такя ба манобеи худ аз шуъбаи минтақавии Вазорати корҳои дохилии Русия ин хабарро тайид кард.

Қаблан дар шабакаҳои иҷтимоӣ видеое пайдо шуд, ки дар он марде дар роҳе дар шаҳри Санкт-Петербург намоз мехонад.

Ба навиштаи “Интерфакс” полис пас аз таҳқиқи навор шахсияти ин мардро муайян кард. Гуфта мешавад, муҳоҷири дастгиршуда аз Осиёи Марказӣ аст.

“Ӯро аллакай пайдо карда, ба шӯъбаи пулис бурда ва нисбати ӯ барои поймол кардани қоидаҳои ҳаракат аз ҷониби пиёдагард (тибқи моддаи 12.29 Кодекси ҳуқуқвайронкунии маъмурии Федератсияи Русия – И.Ф.) протокол тартиб додаанд”.

Ба гуфтаи ҳамсӯҳбати “Интерфакс” мошини ин мард барои санҷиш мусодира шудааст, зеро полис дар қонунӣ рондани он шубҳа доштааст.

Гуфта мешавад, ин шаҳрванди хориҷиро ба Хадамоти муҳоҷират интиқол дода, мавриди санҷиш қарор медиҳанд, ки то куҷо қонунгузории муҳоҷиратро низ риоя кардааст.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Қатъи нерӯи барқ дар Тоҷикистон дар рӯзҳои гарми тобистон

Дар ин тобистони гармӣ сокинон аз гӯшаву канори кишвар аз маҳдудияти барқ дар кишвар шикоят доранд.

Дар Русия ҳафт навъи пардохти давлатии иловагӣ барои муҳоҷирон ҷорӣ мешавад

Вазорати молияи Русия лоиҳаи қонунеро таҳия кардааст, ки бо қабули он кисаи бе ин ҳам холии муҳоҷирон дар ин кишвар холитар мешавад.

Як шаҳрванди Тоҷикистон дар Русия ба хотири дашноми пулис зиндонӣ шуд

Додгоҳи шаҳри Қурғани Русия як шаҳрванди 32-солаи Тоҷикистонро барои "дашном" ва "зӯроварӣ нисбати корманди ҳифзи ҳуқуқ" маҳкум ба зиндон кард.

Ваҳдат ё ваҳшат?

Маросими таҷлил аз 28-умин солгарди ҷашни Рӯзи Ваҳдат бо иштироки Эмомалӣ Раҳмон, Президенти Тоҷикистон дар Хоруғ, маркази Вилояти Мухтори Кӯҳистони Бадахшон баргузор мешавад.