22.9 C
Dushanbe

20 нафар бо иттиҳоми ҳамлаи террористӣ дар Душанбе дастгир шуданд

Кумитаи давлатии амнияти миллии Тоҷикистон ҳудуди 20 нафарро ба гумони омодагӣ ба ҳамлаи террористӣ боздошт кардааст.

Радиои Озодӣ дар истинод ба манобеаш дар КДАМ менависад, ки боздоштшудаҳо сокинони шаҳрҳои Ваҳдат, Роғун ва Норак буда, онҳоро дар остонаи ҷашни Наврӯз дастгир карданд. Инчунин гуфта мешавад, дар байни боздоштшудагон ноболиғон ҳам ҳастанд.

Ба иддаои манбаъ, қасди гурӯҳ ин будааст, ки ба ҷашни асосии Наврӯз дар шаҳри Душанбе “ҳамла кунанд ва то ҳадди имкон шахсони бештарро ба қатл расонанд”.

Ба гуфтаи мақомот, ба як рӯз қафо гузошта шудани ҷашни Наврӯз, ки бояд рӯзи 24-уми март баргузор мешуд, ба ҳамин хотир будааст.

“Баъд аз гирифтани хабар дар бораи қасди ҳамла, нерӯҳои вежаи КДАМ ва ВКД ду-се рӯз “Майдони Истиқлол”-ро зери назорат гирифтанд. Баъд аз он ки гумонбарон боздошт ва хавф бартараф шуд, ҷашнро гузаронданд,”- гуфтааст манбаи Радиои Озодӣ.

Гуфта мешавад, дар ҳоли ҳозир қазияро муфаттишони Кумитаи давлатии амнияти миллӣ дар ҳамоҳангӣ бо Додситонии кул таҳқиқ доранд, ки боздоштшудагон бо гумонбарони асосии ҳамла ба “Крокус Сити Ҳолл” то куҷо робита доштанд.

Пештар, 29-уми марти соли ҷорӣ хабаргузории Reuters ва инчунин Азия-Плюс бо такя ба манобеашон аз ниҳодҳои амниятии Тоҷикистон аз боздошти 9 нафар ба иттиҳоми иртибот доштан бо Вилояти Хуросони “ДИИШ” ва гумонбарони ҳамлаи террористӣ дар “Крокус Сити Ҳолл” хабар дода буданд.

Гуфта мешавад, ҳамаи онҳоро кормандони Кумитаи давлатии амнияти миллии Тоҷикистон ва нерӯҳои амниятии Русия дар шаҳри Ваҳдат боздошт ва ба Душанбе бурданд.

Мақомоти Тоҷикистон то ҳол боздоштҳои ахир Тоҷикистонро шарҳ надода, номи боздоштшудаҳоро низ нашр накардааст.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Раҳмон ба Итолиё меравад?

Вазорати корҳои хориҷӣ ва ҳамкории байналмилалии Итолиё дар якҷоягӣ бо Оҷонсии савдои ин кишвар (ICE) дар бораи Тоҷикистон нишаст баргузор мекунанд.

Ихроҷи 600 муҳоҷири кории тоҷик аз Корея

Дар давоми камтар аз як моҳи ахир мақомоти Кореяи Ҷанубӣ беш аз 600 муҳоҷири кории шаҳрвнадони Тоҷикистонро аз ин кишвар ихроҷ кардаанд.

Сафари Шавкат Мирзиёев ба Душанбе

Раисҷумҳури Узбекистон Шавкат Мирзиёев рӯзи 18-уми апрели соли ҷорӣ бо сафари расмӣ вориди пойтахти Тоҷикистон шаҳри Душанбе шуд.

Тахриби масҷид дар Маскав

Мақомоти дахлдлори Русия дар шаҳри Троитски вилояти Маскав масҷиди Абӯбакрро пурра тахриб карданд.