13.9 C
Dushanbe

Боздошти 2000 муҳоҷир дар Русия шаби соли нав

Пулиси шаҳри Санкт-Петербурги Русия шаби соли нав якбора ҳудуди 2 ҳазор муҳоҷири меҳнатии шаҳрвандони кишварҳои наздик ва Осиёи Марказиро боздошт кард.

Тавре расонаҳои русӣ аз қавли шӯъбаи Вазорати корҳои дохилаи вилояти Ленинград хабар медиҳанд, пулиси ин шаҳр дар натиҷаи гузарондани “тадбирҳои амниятӣ” шумори зиёде аз муҳоҷиронро ба хотири “нақзи қонуни муҳоҷират ва асноди будубош” дастгир кардааст.

“Дар рафти таъмини тартиботи ҳуқуқӣ ҳудуди 2000 нафар шаҳрвандони кишварҳои ҳамсоя бо мақсади пешгирӣ ба мақомоти корҳои дохилӣ оварда шуданд. Дар натиҷаи санҷиш як қатор нақзи қонунгузории муҳоҷират ошкор гардида, барои онҳо чораҳои маъмурӣ андешида шуданд”, – омадааст дар хабар.

Аммо то ҳол мушаххас нест чанд нафари боздоштшудаҳо шаҳрвандони Тоҷикистонанд ва чанд нафар аз шаҳрвандони ҳамсоякишварҳо. Аммо тибқи маъмул дар чунин ҳолатҳо пулиси Русия бо мақсади гузарондани “чораҳои амниятӣ” муҳоҷирони зиёдеро боздошт мекунад, ки аксари онҳо бо пардохти маблағ худро озод мекунанд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Ҷузъиёти боздошти Сулаймон Давлатов аз забони вакили дифоаш

Сабаби боздошти Сулаймон Давлатов, яке аз фаъолони сиёсӣ ва паноҳанда дар Литва, ки рӯзи ҷумъаи гузашта боздошт шуда буд, маълум шуд.

Навори нави чор гумонбари ҳамла ба “Крокус”

Хадамоти федералии амнияти Русия навори ыадиде аз бозпурсии чаҳор гумонбари ҳамлаи террористӣ ба "Крокус Сити Ҳолл"-и Красногорскро нашр кард.

То 600 сомонӣ ҷарима барои идгардаки кӯдакон дар Тоҷикистон

Вазорати маориф ва илми Ҷумҳурии Тоҷикистон бо судури қароре идгардакро дар рӯзи иди Рамазон барои кӯдакони боғча то донишомӯзони мактабу донишҷӯён мамнуъ эълон кад.

Боздошти Сулаймон Давлатов дар Литва

Мақомоти Литва Сулаймон Давлатов, як фаъоли сиёсии тоҷик ва паноҳанда дар ин кишварро боздошт кард.