25.9 C
Dushanbe

Боздошти беш аз 2 ҳазор эътирозгар дар Фаронса

Мақомоти Фаронса аз оғози эътирозҳои хиёбонӣ дар ин кишвар, ки рӯзи сешанбеи ҳафтаи гузашта шурӯъ шуд, беш аз 2 ҳазор нафарро боздошт кардаанд.

Расонаи “France24” аз қавли Вазорати дохилаи ин кишвар субҳи имрӯз хабар дод, ки мақомоти интизомӣ танҳо рӯзи душанбе дар пайи ин эътирозҳо 157 нафарро боздошт кардааст.

Гуфта мешавад, Эммануэл Макрон, расиҷумҳури Фаронса рӯзи якшанбе, 2-юми июл бо аъзои аршади кобинаи худ дидор карда, масъалаи ҳалли эътирозҳоро ба миён гузоштааст. Макрон дар ин ҷаласа Вазорати дохила ва Додгустарии кишварашро дастур дода, ки тамоми иқдомоти лозимро барои барқарории назм дар ин кишвар анҷом диҳанд.

Эътирозоти хиёбонӣ дар Фаронса рӯзи сешанбеи гузашта, дар пайи кушта шудани як навҷавони 17-сола бо номи Ноил М. дар Нантер наздикии шаҳри Порис тавассути пулис оғоз шуд.

Ба иттилои расонаҳо, аксари эътирозгаронро ҷавонон ташкил медиҳанд. Бархе расонаҳои фаронсавӣ навиштаанд, ки ҳукумат бар ивази ин ки эътирозгаронро муттаҳам кунад, ба масъалаи миллатгароии кормандони пулис таваҷҷуҳ кунад, чун ин омил боиси кушта шудани ҷавону ин эътирозҳои гусатарда шудааст.

Тибқи гузориши расонаҳо, мақомоти Фаронса барои пароканда кардани мардум ва дур сохтани эътирозгарон дар ҳама шаҳрҳои ин кишвар ҳудуди 45 ҳазор нерӯҳи амниятӣ эъзом кардаанд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

“Халиқ Бонк Тоҷикистон” ба “Актив Бонк” табдили ном кард

Бонки миллии Тоҷикистон ба "Актив Бонк" барои анҷом додани амалиёти бонкӣ бо пули миллӣ ва асъори хориҷӣ иҷозатнома дод.

Таркиш: Беш аз 300 кушта ва захмӣ дар Қарбоғи Кӯҳӣ

Бар асари як таркиш дар минтақаи Қарабоғи Кӯҳӣ зиёда аз 300 нафар кушта ва захмӣ шудааст.

Изҳороти Вазорати корҳои хориҷӣ

Вазоратҳои корҳои хориҷии Тоҷикистон ва Узбекистон бо нашри "изҳороти матбуотӣ"-и муштарак аз баргузории ҷаласаи як ҳафтаинаи мақомоти ду кишвар хабар доданд.

Пулиси нозири роҳ ронандаро зад

Дар шабакаҳои иҷтимоӣ наворе нашр шуда, ки дида мешавад,...