28.9 C
Dushanbe

Боздошти як ронандаи тоҷик дар Лаҳистон

Пулиси Лаҳистон аз боздошти шаҳрванди 25-солаи Тоҷикистон, ки ба кумак дар убури ғайриқонунии марз муттаҳам мешавад, хабар дод.

Рӯзи 15-уми июни соли ҷорӣ пулиси минтақаи Наревкаи вилояти Биялистоки Лаҳистон (Полша) шаҳрванди 25-солаи Тоҷикистонро ҳангоми интиқоли 4 шаҳрванди Афғонистон, ки ғайриқонунӣ дар Лаҳистон қарор доштаанд, боздошт кардааст.

Шаҳрванди 25-солаи Тоҷикистон ба ҳамдастӣ ва кумак дар “убури ғайриқонунии марзи Лаҳистон” муттаҳам мешавад ва рӯзҳои наздик додгоҳ дар бораи сарнавишти ӯ тасмим хоҳад гирифт.  

Чаҳор шаҳрванди Афғонистон ба нерӯҳои марзбонии Лаҳистон таҳвил дода шуда, шаҳрванди Тоҷикистон дар боздошти пулис қарор дорад ва мунтазири ҳукми додгоҳ мебошад. Худрави “volkswagen”- ӯ мусодира шуда, ба ҷаримагоҳи пулис интиқол дода шудааст.

Дар баёнияи пулис омадааст, ки тибқи қонунгузории Лаҳистон барои ҳамдастӣ ва кумак дар убури ғайриқонунии марзи Лаҳистон 8 соли зиндон пешбинӣ шудааст.  

Хабарро таблиғ кунед:

БЕШТАР БИХОНЕД
БЕШТАР БИХОНЕД

“Гурӯҳи 24” рафтори мақомоти рус ва беамалии мақомоти тоҷикро маҳкум кард

Ҳаракати сиёсии “Гурӯҳи 24” бо нашри изҳороте рейду боздошт ва латтукӯби муҳоҷиронро дар шаҳру ноҳияҳои Русия муносибати ғайриинсонӣ ва бераҳмонаи мақомоти давлатии ин кишвар номид.

Шикояти вакилони дифоъи Хуршед Фозилов

Вакилони дифои рӯзноманигори зиндонӣ Хуршед Фозилов аз болои ҳукми Додгоҳи Панҷакент ба Додгоҳи вилояти Суғд шикоят бурдаанд.  

Латтукӯби муҳоҷирон ва ба маконҳои номаълум бурдани онҳо идома дорад

Чанд рӯзи ахир боздошт ва латтукӯби муҳоҷирон, бахусус муҳоҷирони тоҷик аз ҷониби нерӯҳои амниятӣ ва интизомии Русия бештар шудааст.

Рафту омад дар роҳи Душанбе-Хуҷанд маҳдуд шуд

Шуруъ аз имрӯз, 1-уми июни соли ҷорӣ дар шоҳроҳи Душанбе-Чаноқ барои рафту омади мошинҳо маҳдудият ҷорӣ шудааст.