Дар шаҳри Любертси Русия як зан, ки корманди пулис будааст, аз ҷониби як муҳоҷири меҳнатӣ мавриди ҳамла қарор гирифтааст. Ҳамлагарро шаҳрванди Тоҷикистон гуфтаанд.
Ба гузориши шабакаи телеграмии “Многонационал” аз ҷониби як шаҳрванди Тоҷикистон ба ин зани пулис аз ҳам ҳамла шуда ва ҳам кушиш таҷовуз сурат гирифтааст.
Тавре манбаъ мегӯяд, нимаи дуюми рӯзи 8-уми ноябр нозири 37-солаи шуъбаи корҳои дохилии Любертси вақте ба хона бармегашт, дар дохили даромадгоҳи бино аз паси ӯ як муҳоҷири осиёӣ ворид шуда, ӯро лату кӯб карда, хостааст ба ӯ дастдарзӣ кунад, аммо ҳамсояҳо огоҳ шуданд ва ӯ фирор кардааст.
Гуфта мешавад, пулиси минтақа гумонбаршударо боздошт кардааст ва маълум шуда, ки ӯ зодаи Тоҷикистон буда 26 сол доштааст.
Ҷузъиёти ин хабар аз манобеи расмӣ нашр нашудааст. Назари боздоштшуда низ дар ин маврид дастраси расонаҳо нест. Ва маълум ҳам нест, ки ангезаи ин ҳамла чӣ будааст.
