Дар шаҳри Новосибирски Русия боз як сокини Ворухи шаҳри Исфара бо дархости мақомоти Қирғизистон боздошт шуд. Дар ин бора Тибқи иттилои Ҷураев зоҳиран рӯзи 11-уми ноябр Диловар Ҷураев, як сокини деҳаи Ворух бо гумони даст доштан дар ташкили даргириҳои марзии баҳори имсол дар марзи Тоҷикистону Қирғизистон боздошт шудааст. Аммо тафсилоти дақиқи хабари боздошти ҳоҷӣ Диловар маълум нест. Инчунин то ҳол дар бораи боздошти ӯ вокунишҳои расмие на аз ҷониби Тоҷикистон ва на аз ҷониби Қирғизистон сурат нагирифтааст. Ба ин монанд мақомоти Бошқирдистони Русия моҳи феврали соли ҷорӣ як сокини дигари Исфара, Фурқат Абдуфаттоевро бо дархости Қирғизистон боздошт карда буд. Ӯ он замон барои ташкил намудани бетартибиҳои оммавӣ ва авбошӣ дар нуқтаи аломатгузоришудаи марз байни шаҳри Исфара ва ноҳияи Ботканд муттаҳам мешуд. Аммо Вазорати корҳои хориҷаи Тоҷикистон моҳи июл хабар дод, ки бо дахолати онҳо ин шаҳрванди тоҷик озод карда шуд. Вазорати корҳои хориҷии Тоҷикистон дар вокуниш ба боздошти шаҳрвандони кишвар бо дархости Қирғизистон дар Русия вокуниш нишонда дода, ин боздоштҳоро “дорои ангезаи сиёсӣ” номида буд.