14.9 C
Dushanbe

Боздошти корманди давлатӣ дар Фархор

Агентии назорати давлатии молиявӣ ва мубориза бо коррупсияи Тоҷикистон аз дастгир шудани як корманди идораи замини ноҳия Фархор бо иттиҳоми қаллобӣ хабар дод.

Манбаъ аз ин корманди давлатии боздоштшуда Раҳимзода Аскар Зоирҷон ном мебарад ва ӯ ҳамчун сармутахассис (муҳандис-заминсоз) корманди Ҷамоати деҳоти Ватани ноҳияи Фархор кор мекардааст.

Тибқи иттилои Агентии зидди фасод, номбурда “дар давраи фаъолияти кориаш қасдан, бо мақсади ғаразнок ва бо истифодаи ваколати мансабӣ ба боварии шаҳрванд “А” даромада, барои ҷудо карда додани қитъаи замини наздиҳавлигӣ дар ду ҳолат ҷамъ маблағи 7000 сомонӣ гирифта, тасарруф намуда, ба манфиати номбурда ягон амали муайянро иҷро накардааст”.

Гуфта мешавад, нисбати Раҳимзода бо моддаи 247 қисми 3 банди “а”-и Кодекси ҷиноятии Ҷумҳурии Тоҷикистон парвандаи ҷиноӣ оғоз шуда, баъди ба итмом расидани тафтиши пешакӣ он бо тасдиқи фикри айбдоркунӣ барои баррасӣ ба суд ирсол шудааст.

Назари муттаҳам ва ё адвокати вай маълум нест. Аммо дар Тоҷикистон тамоми мансабдорони давлатие, ки бо ҷурми заминфурӯшӣ боздошт мешаванд, мақомот онҳоро ҳамчун қаллоб тибқи ҳамин моддаи 247 Кодеси ҷиноятӣ мутаҳҳам мекунад, суд дар аксар маврид заминфурӯшонро муҷирим мешиносад, вале пас адои иҷрои ҷазо аксари заминфурӯшон дубора мансаби нав мегиранд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Тоҷикистон шомили кишварҳои олудатарини ҷаҳон шуд

Созмони швейтсариягии IQAir, ки сифатнокии ҳаворо дар кишварҳои ҷаҳон таҳқиқ мекунад, дар гузориши тозааш Тоҷикистонро шомили кишварҳои олудатарини дунё кардааст.

Шикояти муҳоҷирони тоҷик дар Русия аз боздошту шиканҷа

Пас аз ҳодисаи ҳамла ба бинои "Крокус Сити Ҳолл" дар Маскав муҳоҷирони тоҷик аз ҷониби пулис ва ҳатто мардуми оддӣ мавриди ҳамлаҳои лафзӣ ва ҷисмӣ қарор гирифтаанд.

Ҳабси пешакии гумонбарон дар ҳамлаи хунини Русия

Пас аз ҳодисаи ҳамла ба бинои "Крокус Сити Ҳоле" дар Маскав муҳоҷирони тоҷик аз ҷониби пулис ва ҳатто мардуми оддӣ мавриди ҳамлаҳои лафзӣ ва ҷисмӣ қарор гирифтаанд.

Баррасии ҳамкориҳои Тоҷикистону Туркия

Мақомоти баландпояи Тоҷикистон ва Туркия дар бораи ҳамкориҳои худ ва аз он ҷумла дар бораи масоили амниятӣ суҳбат карданд.