24.9 C
Dushanbe

Боздошти муҳоҷирон аз фурӯдгоҳи Самара

Мақомоти интизомии Русия дар шаҳри Самара аз назди фурӯдгоҳи ин шаҳр тамоми муҳоҷирони аз Тоҷикистон омадаро боздошт карданд.

Рӯзи 3-юми августи соли ҷорӣ ба дасти Azda tv чанд сабти садо аз муҳоҷирони кории тоҷик дар шаҳри Самараи Русия расид, ки мегӯянд, нерӯҳои интизомии ин кишвар ҳатто онҳое, ки нав аз Тоҷикистон ба Русия расида ва аз ҳавопаймо пиёда шуда буданд, ба автобусҳо савор карда, бо худ бурданд.

Муҳоҷирон иддао доранд, ки пулис таҳдид кардааст, ки ҷавоноро ба ҷанг ба Украина мефиристанд ва ҳамаи онҳоро ба комиссарияти ҳарбӣ хоҳанд бурд.

Дар яке аз ин сабтҳо як муҳоҷир, ки дар назди фурӯдгоҳ ба мусофиркашонӣ машғул будааст, мегӯяд: “Ҳамин рӯз дар фурӯдгоҳи Самара рейди бузург шуд, пулис омад як рейси Тоҷикистонро бо зану марду ҷавону кӯдак ҳамро дар се автобус савор карда бурда истодаанд. Ҳуҷҷати ронандии манро ҳам гирифтанд, аз пеш як мошини пулис ва аз пушт як мошини дигар ҳамаи мошинҳои таксиро боздошт карда бурда истодаанд.

Дар идома ин муҳоҷири тоҷик мегӯяд: “Пас аз боздошт ман ба пулис гуфтам, ки 48-солаам ва 6 фарзанд дорам ва дигар ин ки ду санади маъюбӣ ҳам дорам, шумо наметавонед маро ба ҷанг фиристед. Пулис дар ҷавоб гуфт, агар 10 кӯдак дошта бошӣ ва 60-сола ҳам бошӣ мебаремат.

Аммо як муҳоҷири дигар дар тамос ба Azda tv ин боздоштҳои густардаи муҳоҷиронро аз дохили фурӯдгоҳи шаҳри Самара тасдиқ карда, гуфт, ки “Пас аз боздошт аз ҳамаи муҳоҷирон санади бима (страховой полис) талаб карданд. Аммо онҳое, ки ин санадро надоштанд 2 ҳазор рублӣ ҷарима карда, сипас ҳамаро озод карданд.”

Тафтишу боздоштҳои густардаи муҳоҷирон, бахусус муҳоҷирони тоҷик беш аз се моҳ мешавад дар ин кишвар идома дорад. Наворҳои зиёде дар шабакаҳои иҷтимоӣ то имрӯз роҳ ёфтаанд, ки дар онҳо дида мешавад, мақомоти интизомии Русия бо муҳоҷирони боздоштшуда бо як рафтори хашин ва ғайриинсонӣ муносибат мекунанд. Гарчанде дар аввали ин боздоштҳову латтукӯб шуданҳои муҳоҷирони тоҷик мақомоти Тоҷикистон вокуниш нишон доданд, вале то рафт муомилаи нерӯҳои пулиси Русия бо муҳоҷирон бадтар мешавад.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Кумаки 141 миллионии ИА ба Тоҷикистон

Иттиҳоди Аврупо эълон кардааст, ки зиёда аз 140 миллион евро ба Тоҷикистон кумак мекунад.

Рушди беш аз 8%-и иқтисоди Тоҷикистон

Гузоришгарони Бонки ҷаҳонӣ мегӯянд, рушди иқтисоди Тоҷикистон дар 16 моҳи ахир беш аз 8% тавсеа ёфтааст.

Баррасии ҳамкориҳои Тоҷикистон ва Иттиҳоди Аврупо

Мақомоти боломақоми Тоҷикистон ва Иттиҳоди Аврупо дар бораи ҳамкориҳои дирӯз ва имрӯзи худ гуфтугӯ карданд.

Шикояти мардум аз беобӣ дар Тоҷикистон

Бархе сокинони шаҳри Бохтар, маркази вилояти Хатлон мегӯянд, ки чор моҳ боз мардум аз беобӣ азият мекашанд ва касе дар вилоят ба доди онҳо намерасад.