35.9 C
Dushanbe

Чаро Ҳукумати Тоҷикистон ваксинаи зидди вируси COVID-19-ро харидорӣ намекунад?

Сурат: навори видеоии russian.rt.com

Хабаргузориҳои русӣ хабар доданд, ки дар ин кишвар ваксинаи зиди вируси COVID-19 бо номи «Спутник V»-ро ба муомилот баровардаанд, ки тамоми марҳилаҳои озмоиширо гузаштааст. Ҳамчунин аз 5 декабри соли равон дар Маскав нуқтаҳои ваксиназанӣ ба кор шурӯъ кардаанд.

Аввалин нафароне, ки дар ин кишвар ба онҳо ваксина мегӯзаронанд, кормандони соҳаи тиб, маориф ва муассисаҳои иҷтимоӣ мебошанд.

Гуфта мешавад, ки чандин кишварҳои Осиёи Марказӣ дар мавриди харидории ваксина ва ба кадом бахшҳо гузарониданро баррасӣ кардаанд, вале Тоҷикистон то ҳол дар мавриди харидории ваксина ҳеҷ тасмиме нагирифтааст.

Чанде пеш як масъули дафтари матбуотии Вазорати тандурустӣ ба “Азияи-Плюс” гуфта буд, то исботи дақиқи ваксина ва гузаштан ба марҳилаҳои асосӣ баъдан дар бораи харидории он гуфтушунид хоҳанд кард.

Дар баробари ин дар кишварҳои Осиёи Марказӣ, аз ҷумла дар Узбекистон, Қирғизистон ва Туркманистон дар мавриди харидории ваксина гуфтушинидҳо байни кишварҳо оғоз гардидааст.

Дар Ӯзбекистон рӯзи ҷумъаи ҳафтаи гузашта 100 воя (доза)-и ваксинаи “Cпутник V”-и истеҳсоли Руия барои озмоиш ба Тошканд оварда шудааст.

Ҳукумати Қирғизистон ваксинаи зидди коронавирусро аз Русия, Туркия ва Қазоқистон дархост намудааст. Аз ин кишварҳои номбурда 100 ададӣ ваксина дархост намудааст, то ба хоҳишмандон онро озмоиш намояд.

Президенти Туркманистон Гурбангулӣ Бердимуҳаммедов дар вохӯрӣ бо вазири тандурустии ин кишвар дастур дод, ки ваксинаҳои хушсифати зидди коронавирус, ки дар давлатҳои гуногун истеҳсол шудаанд, харидорӣ шаванд.

Ин дар ҳолест, ки дар ин кишвар то ҳол рамсан ба қайд гирифтани каронавирус эълон нашудааст.

Дар мавриди Қазоқистон гуфта мешавад, ки аз 22 декабр дар ин кишвар истеҳсоли ваксинаи русиягии “Спутник V” оғоз мегардад.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Трамп расман ба даст доштан дар ҷинояти нав муттаҳам шуд

Доналд Трамп, собиқ раисҷумҳури Амрико аз сӯи Вазорати додгустарии ин кишвар дар парвандаи нигаҳдории асноди маҳрамонаи давлатӣ пас аз поёни давраи президентияш муттаҳам мешавад.

Мулоқоти сафири Тоҷикистон бо Додситони кулли Туркия

Ашрафҷон Гулов, домоди Эмомалӣ Раҳмон ва сафири Тоҷикистон дар Туркия, 8-уми июни соли ҷорӣ бо Додситони кулли Туркия Бекир Шоҳин мулоқот карда, ба густариши ҳамкориҳо таъкид кард.

Ифтитоҳи бузургтарин масҷиди Осиёи Марказӣ дар Тоҷикистон

Бузургтарин масҷиди Осиёи Марказӣ бо ҳузури Амири давлати Қатар Шайх Тамим ибни Ҳамад Оли Сонӣ ва Эмомалӣ Раҳмон, Президенти Тоҷикистон дар шаҳри Душанбе мавриди баҳрабардорӣ қарор гирифт.

Имзои 15 санади ҳамкорӣ байни Тоҷикистон ва Қатар

Маросими имзои 15 санади ҳамкорӣ байни Тоҷикистон ва Қатар бо ҳузури сарони ду кишвар дар шаҳри Душанбе баргузор шуд.