21.9 C
Dushanbe

Чин дар Тоҷикистон пойгоҳи низомӣ месозад

Парлумони Тоҷикистон санадеро ба тасвиб расонид, ки мувофиқи он кишвари Чин дар водии Вахони ноҳияи Ишкошими вилояти Мухтори Кӯҳистони Бадахшон барои сарбозони тоҷик пойгоҳи низомӣ месозад.

Ба гузориши

Аз ҷумла хабаргузории “Iran International” тобистони соли гузашта дар як гузориши вижа аз вуҷуди сарбозони Чин дар Помири Тоҷикистон хабар дод. Сабаби ҳузури Чин дар минтақаи Помир вуҷуди роҳи стротегии Вахон, ки дар оянда долони иқтисодии Чину Покистон аз онҷо мегузарад, гуфта шудааст.

Сокинони деҳаи Шаймоқи ноҳияи Мурғоб вуҷуди пойгоҳи низомии чиниро дар ин минтақа тасдиқ карда буданд.

Башир Убанбеков, як сокини ин деҳа ба “Iran International” гуфта буд:

“Постгоҳи низомиёни Чин ба постгоҳи мо хеле наздик аст. Фақат 100 метр фосила дорад. Постгоҳи низомиёни Афғонистон ҳам ҳудуди 10 километр аз инҷо дур аст.”

Да гузориш омадааст, ки исми ин пойгоҳ “Ситод” мебошад ва соли 2016 бо ҳадафи таъмини амнияти марзи Афғонистон аз се давлат, Чин, Тоҷикистон ва Афғонистон ташкил ёфтааст. Чин бо баҳонаи хавфи вуруди ҷангҷӯёни ӯйғур, ки ба гуфтаи ӯ онҳо метавонанд аз Афғонистон ба воситаи Тоҷикистон ба минтақаи ғарби Чин ворид гашта, онҷоро ноором кунанд, ҳузури худро дар ин пойгоҳ ҳатмӣ медонад.

Ин пинҳонкорӣ сабаби нигаронии аксари сокинони Мурғоб шудааст, онҳо ба “Iran International” гуфтаанд, ҳузури низомиёни чиниро дар Мурғоб дида, тааҷҷубомез мепурсанд, ки ин низомиён инҷо дунболи чӣ мегарданд.

Таҳлилгарон бар ин назаранд, ки агарчи аз солҳо қабл вуҷуди низомиёни чинӣ дар қаламрави Тоҷикистон мушоҳида мешуд, аммо мақомоти ду кишвар ҳамеша онро инкор мекарданд ва расман ҷое тасдиқ нашуда буд. Аммо акнун. ки вазъ дар Афғонистон ноором аст, мақомот фурсати муносиберо барои иқрор ва ошкор сохтани нисбии он пайдо карданд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Қатъи нерӯи барқ дар Тоҷикистон дар рӯзҳои гарми тобистон

Дар ин тобистони гармӣ сокинон аз гӯшаву канори кишвар аз маҳдудияти барқ дар кишвар шикоят доранд.

Дар Русия ҳафт навъи пардохти давлатии иловагӣ барои муҳоҷирон ҷорӣ мешавад

Вазорати молияи Русия лоиҳаи қонунеро таҳия кардааст, ки бо қабули он кисаи бе ин ҳам холии муҳоҷирон дар ин кишвар холитар мешавад.

Як шаҳрванди Тоҷикистон дар Русия ба хотири дашноми пулис зиндонӣ шуд

Додгоҳи шаҳри Қурғани Русия як шаҳрванди 32-солаи Тоҷикистонро барои "дашном" ва "зӯроварӣ нисбати корманди ҳифзи ҳуқуқ" маҳкум ба зиндон кард.

Ваҳдат ё ваҳшат?

Маросими таҷлил аз 28-умин солгарди ҷашни Рӯзи Ваҳдат бо иштироки Эмомалӣ Раҳмон, Президенти Тоҷикистон дар Хоруғ, маркази Вилояти Мухтори Кӯҳистони Бадахшон баргузор мешавад.