20.9 C
Dushanbe

Ҷопон ба Тоҷикистон 600 млн йени ҷопонӣ барои муассисаҳои тиббӣ грант ҷудо мекунад

Ҳукумати Ҷопон барои лоиҳаи таҷҳизоти техникии муассисаҳои тиббӣ ба Тоҷикстон 600 миллион йени ҷопонӣ (баробар бо 5 млн доллар) ҷудо мекунад. Дар ин бора “Avesta.tj” хабар дод.

Имрӯз дар як ҷаласа Маҷлиси намояндагони Тоҷикистон, созишномаи қаблан имзошудаи байни кишварҳоро дар бораи “Барномаи рушди иқтисодӣ ва иҷтимоӣ” ба тасвиб расонд.

Ин маблағ аз ҷониби давлати Ҷопон ҳамчун грант ба ҳукумати Тоҷикистон дода мешавад. Ин кумак ба беҳтар намудани муассисаҳои тиббӣ тавассути овардани таҷҳизоти муосири тиббӣ барои ташхис ва табобати беморони СОVID-19 мусоидат карда мешавад.

Дар ҷаласа қайд карда шуд, ки хуруҷи коронавирус бори дигар нишон дод, ки на ҳама муассисаҳои тиббии кишвар ба ҳолати фавқулодда омодаанд ва ин ба нарасидани мутахассисон дар ноҳияҳои дурдаст, вазъи бади як қатор муассисаҳои тиббӣ, набудани таҷҳизот ва асбобҳои ташхисӣ, инчунин дастрасии нокифояи аҳолӣ ба хизматрасониии пурраи тиббӣ вобаста мебошад.

Дар идома гуфта шудааст, ки аксари таҷҳизот ва озмоишгоҳҳо аз замони Шӯравӣ боқӣ мондаанд ва бо тағйир ёфтани стандартҳои ҷаҳонӣ, пайдоиши усулҳои нави ташхису табобат, харид ва таҳвили таҷҳизоти пешрафта аз ҷониби Ҷопон хеле муҳим ва саривақтӣ мебошад.

Ёдовар мешавем аввалин ҳолати гирифторӣ ба коронавирус дар Тоҷикистон моҳи апрел ба қайд гирифта шуда буд. Тибқи оморҳои расмӣ то имрӯз дар Тоҷикистон бар асари ин бемории ҳамагир 88 нафар фавтидаанд. Ҳамагӣ 12777 нафар ба ин беморӣ гирифтор шуда, 12212 нафари он шифо ёфтаанд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Гумонбарон дар қатли занҷираии Конибодом боздошт шуданд?

Мақомот гумонбарон дар қатли занҷираӣ дар шаҳри Конибодоми вилояти Суғдро боздошт кардаанд.

Ҳушдори КҲФ аз омадани сел дар баъзе манотиқ кишвар

Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон ба сокинон ва меҳмонони кишвар аз эҳтимоли омадани сел дар чанд ноҳияи кишвар ҳушдор медиҳад.

Боздошти Усмонзода бо иттиҳоми ғасби ҳокимият

Дахлнопазирии вакили парлумони кишвар Саидҷаъфар Усмонзода бекор ва худи ӯ ба ҳабси пешакӣ гирифта шуд.

“Карим”-ро аз Русия ихроҷ карданд

Мақомоти Русия варзишкори тоҷик ва қаҳрамони ду вазни созмони "Hardcore MMA" Фазлиддин "Карим" Мадраҳимовро аз ин кишвар ихроҷ карданд.