32.9 C
Dushanbe

CPJ аз мақомоти Тоҷикистон раҳоии рӯзноманигорони зиндониро талаб кард

Кумитаи дифоъ аз хабарнигорон (CPJ) бо нашри изҳороте аз мақомоти Тоҷикистон раҳоии фаврии рӯзноманигори зиндонии тоҷик Хуршед Фозилов ва дигар рӯзоманигоронро талаб кард. 

Ин изҳорот рӯзи 15-августи соли ҷорӣ дар пайи хабари бетағйир гузоштани 7-сол ҳукми зиндони ин рӯзноманигор аз ҷониби Додгоҳи вилояти Суғд нашр шудааст. 

Дар ин изҳорот Карлос Мартинес де ла Серна, мудири барномаҳои CPJ дар Ню-Йорк мегӯяд, рад шудани шикояти Фозилов нишон медиҳад, ки додгоҳҳои Тоҷикистон дар “ҷинояткор” нишон додани рӯзноманигорон саҳм доранд.

Карлос Мартинес де ла Серна аз мақомоти Тоҷикистон хостааст, ки бадрафторӣ нисбат ба Хуршед Фозиловро барои ба даст овардани эътирофи ӯ ҳамаҷониба таҳқиқ кунанд ва тамоми намояндагони матбуотро, ки дар зиндонҳо қарор доранд, озод кунанд. 

Ёдовар мешавем, ки мақомоти амниятии Тоҷикистон рӯзи 6-уми марти соли ҷорӣ дар шаҳри Панҷакент хабарнигори мустақил Хуршед Фозиловро, ки бештар дар масоили иҷтимоӣ, аз ҷумла бебарқиву камобии минтақаро менавишт, боздошт карданд. 

26-уми майи соли ҷорӣ ӯро дар мурофиаи додгоҳие дар Боздошгоҳи шаҳри Хуҷанд ба иттиҳои ҳамкорӣ бо созмонҳои мамнуъ ба ҳафт соли зиндон маҳкум карданд. Худи ӯ ва пайвандону наздиконаш аз ҳукми додгоҳ розӣ нестанд.  

Пайвандонаш гуфтанд, мақомот ӯро дар ҳамкорӣ бо сомонаи “Ахбор”, ки се сол боз фаъол нест, гунаҳкор донистаанд. Худаш гуфта, ки агар гуноҳро ба дӯш намегирифт, “нима одам” мешуд.

Фозилов 37 сол дошта, соҳиби 3 фарзанд мебошад ва аз минтақаи Зарафшон барои расонаҳои мустақил хабару гузоришҳои иҷтимоӣ менавишт. Пештар ӯро барои ҳамкорӣ бо собиқ сомонаи хабарии “Ахбор.ком” ҳамроҳи чанд рӯзноманигори дигар дар яке аз барномаҳои телевизиони Тоҷикистон намоиш дода буданд. 

Дар як соли охир мақомоти кишвар чанд тан аз рӯзноманигорону блогерони шинохтаро бо иттиҳомоти сохта равонаи зиндон карданд. Созмонҳои ҳомии ҳуқуқ борҳо аз мақомоти Тоҷикистон раҳоии онҳоро талаб кардаанд, аммо Тоҷикистон мисли ҳамеша тавсия ва талаби созмонҳоро нодида мегирад.

Саркӯби рӯзноманагирон, блогерон ва фаъолони маданӣ дар кишвар боис гаштааст, ки Тоҷикистон дар Шохиси озодии матбуот поёнтар аз Афғонистон, ки онҷо зимоми қудратро Толибон дар даст доранд, қарор бигирад.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Бозгашти нахустин гурӯҳи зоирони тоҷик

Нахустини гурӯҳи зоирони тоҷикистонӣ баъд аз анҷоми маросими Ҳаҷ-2024 аз Арабистони Саудӣ ба Ватан баргарштанд.

Нопадид шудани панҷ сокини Язгулом дар фурӯдгоҳи Кӯлоб

Панҷ нафар аз сокинони ноҳияи Язғулом дар фурӯдгоҳи шаҳри Кӯлоб нопадид шудаанд. Дар ин бора хешовандонашон ба расонаҳо дар Тоҷикистон хабар додаанд. 

Ҳамлаи террористӣ дар Доғистон 20 кушта ба ҷо гузошт

Бино ба иттилои Вазорати корҳои дохилии Русия, шаби 23-уми...

Абдусалом Одиназода аз зиндон озод шуд

Абдусалом Одиназода, донишманди тоҷики муқими Австралия баъд аз 3,5 соли зиндон рӯзи 19-уми июн ба озодӣ баромад.