20.9 C
Dushanbe

CPJ: соли 2022 маргбортарин сол барои рӯзноманигорон

Дар соли 2022 дар саросари ҷаҳон беш аз 67 рӯзноманигор ва дигар кормандони расонаҳо кушта шуданд, ки ин баландтарин омор аз соли 2018 ба ҳисоб меравад.

Кумитаи дифоъ аз хабарнигорон (CPJ), рӯзи 24-уми январ бо нашри гузорише эълон кард, ки назар ба соли 2021 дар соли 2022, 50 дарсад бештар рӯзноманигорон кушта шуд ва шумораи умумии онҳо ба 67 нафар расидааст.

CPJ мегӯяд, ки 35 нафари ин кормандони расонаҳо дар Украина, Мексика ва Ҳаитӣ кушта шудаанд. Аз ыумла таъкид мешавад, ки дар соли 2022 дар Ҳаитӣ дастикам панҷ хабарнигор, аз сӯи дастаҳои мусаллаҳ, ки амалан назорати пойтахти он кишварро дар даст доранд, ба қатл расиданд ва ду нафари онҳо аз тири пулис кушта шудаанд.

Бино ба иттилои CPJ аз 15 рӯзноманигор ва кормандони расонаҳое, ки дар Украина кушта шудаанд, 13 тани онҳо ҳангоми ҷамъоварии иттилоъ ва ё гузориш додан кушта шудаанд.

CPJ дар истинод ба рӯзноманигорон менависанд, ки низомиҳои Русия кормандони расонаҳоро барқасдона ба ҳадаф мегиранд.

Дар ин гузориш Амрикои Лотинӣ хатарноктарин минтақа барои рӯзноманигорон дар соли 2022 дониста шуда, дар маҷмуъ 30 рӯзноманигор ва корманди расонаҳо дар ин минтақа давоми сол кушта шудаанд.

Аз ин шумора дар соли гузашта танҳо дар Мексика 13 хабарнигор ва корманди расонаҳои хабарӣ ба қатл расиданд. Иттиҳоди хабарнигорони Мексика ин рақамро 15 нафар эълон карда, мегӯяд, соли 2022 барои кормандони расонаҳо дар ин кишвар маргбортарин сол тайи се даҳаи ахир будааст.

Сабаби афзоиши қатли хабарнигорон дар Мексика вуҷуди мафияи маводи мухаддир, фасоди сиёсӣ дар ниҳодҳои давлатӣ ва нотавонӣ дар шиносоӣ ва муҷозоти омилони ин кушторҳо гуфта шудааст.

Гуфта мешавад, аксари рӯзноманигороне, ки дар Амрикои Лотинӣ кушта шудаанд, ҳамаи онҳо ба инъикоси мавзуҳое аз қабили ҷинояткорӣ, фасодкорӣ, хушунати гуруҳҳои ҷиноӣ ва мушкилоти муҳитзистӣ машғул буданд.

Соли 2022 барои рӯзноманигорони тоҷик низ соли баде буд. Мақомодорони тоҷик соли гузашта беш аз 7 рӯзноманигору блогерро боздошт ва барои солҳои тӯлонӣ равонаи зиндон карданд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Боздошти беш аз 20 нафар дар парвандаи ҳамла ба Крокус

Дар пайи ҳамлаи хунин ба “Крокус Сити Ҳолл”-и Красногорски...

Нақшаи даъвати баҳории сарбозон пурра иҷро шуд

Вазорати мудофиаи Тоҷикистон хабар дод, ки нақшаи даъвати баҳории ҷалби сарбозон ба Артиш дар кишвар рӯзи 22-уми майи соли ҷорӣ 100% иҷро шуд.

Мақомот мехоҳанд бародари як мухолифи тоҷикро аз хонааш берун кунанд

Мақомоти ноҳияи Зафаробод мехоҳанд замини як мухолифи тоҷик Салим Султонзодаро, ки дар он бародараш хона сохтаасту зиндагӣ мекунад, мусодира кунад.

Мақомот: Занҳо сатр напӯшанду мардҳо ришу мӯйи баланд нагузоранд!

Мақомоти амниятӣ ва интизомии кишвар дар кӯчаву бозорҳо "рейд" гузаронида, масъалаи пешгирӣ аз "либоси ба фарҳанги тоҷикон бегона"-ро сахт гирифтаанд.