24.9 C
Dushanbe

Даҳҳо зиндонии қирғиз дар Тоҷикистон

Мақомоти адлияи Қирғизистон мегӯянд, ки даҳҳо нафар аз шаҳрванди ин кишвар дар зиндонҳои Тоҷикистон ба сар мебаранд.

Бино ба иттилои расонаҳои Қирғизистон, имрӯз, 12-уми июни соли 2024, Орозбек Сиддиқов, муовини вазири адлияи Қирғизистон ба вакилони парлумони ин кишвар гуфтааст, ки зиёда аз бист нафар шаҳрвандони ин кишвар дар зиндонҳои Тоҷикистон мебошанд.

Ба қавли манбаъ, муовини вазири адлия Қирғизистон, ки дар назди вакилони кишвараш дар бораи Лоиҳа Қонуни ҶҚ “Дар бораи ворид намудани тағйиру иловаҳо ба Кодекси иҷрои ҷазои ҷиноятӣ” ва Кодекси ҷиноятиро дар хониши дуюм баррасӣ мекарданд, гуфт, дар ҳоли ҳозир 25 нафар шаҳрвандони Қирғизистон дар зиндонҳои Тоҷикистон қарор доранд.

Орозбек Сиддиқов дар парлумон гуфтааст, ки бар иловаи ин 25 нафар зиндонӣ дар Тоҷикистон, 8 каси дигар ҳам аз шаҳрвандони Қирғизистон дар зиндонҳои Кореаи Ҷанубӣ адои ҷазо мекунанд. Парвандаи ҳар яки онҳо дар алоҳидагӣ пас аз қабули ин Лоиҳа ва тавассути Додгоҳи олӣ мавриди баррасӣ қарор хоҳанд гирифт.

Муовини вазири адлияи Қирғизистон дар бораи сабаби боздошт ва шароити онҳо дар зиндонҳои Тоҷикистон ва ё Кореаи Ҷанубӣ чизе нагуфтааст. Инчунин мақомоти Тоҷикистон низ то замони таҳияи ин хабар ба сурати расмӣ дар бораи изҳороти ҷониби Қирғизистон вокунише накардаанд.

Гуфта мешавад, Вазорати адлияи Қирғизистон дар ҳоле ба вакилони худ дар бораи шаҳрвандони зиндониаш дар Тоҷикистон ва Кореаи Ҷанубӣ гузориш дода, ки ҳазорҳо нафар шаҳрвандони Тоҷикистон дар Русияву Қирғизистону Қазоқистон ва дигар кишварҳо бо сабабҳои гуногун солҳо боз дар зиндонҳо маҳбус ҳастанд, вале бо гузашти солҳо мақомоти Тоҷикистон ба сурати расмӣ на дар бораи теъдоди онҳо ба мардум иттилоъ додаанд ва на барои раҳо карданашон вориди амал шудаанд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Кумаки 141 миллионии ИА ба Тоҷикистон

Иттиҳоди Аврупо эълон кардааст, ки зиёда аз 140 миллион евро ба Тоҷикистон кумак мекунад.

Рушди беш аз 8%-и иқтисоди Тоҷикистон

Гузоришгарони Бонки ҷаҳонӣ мегӯянд, рушди иқтисоди Тоҷикистон дар 16 моҳи ахир беш аз 8% тавсеа ёфтааст.

Баррасии ҳамкориҳои Тоҷикистон ва Иттиҳоди Аврупо

Мақомоти боломақоми Тоҷикистон ва Иттиҳоди Аврупо дар бораи ҳамкориҳои дирӯз ва имрӯзи худ гуфтугӯ карданд.

Шикояти мардум аз беобӣ дар Тоҷикистон

Бархе сокинони шаҳри Бохтар, маркази вилояти Хатлон мегӯянд, ки чор моҳ боз мардум аз беобӣ азият мекашанд ва касе дар вилоят ба доди онҳо намерасад.