14.9 C
Dushanbe

Дар кадом ҳолат шаҳрвандии Русия барои хориҷиён бекор карда мешавад?

Мақомоти дахлдори Русия шарҳ доданд, ки шаҳрвандони хориҷие, ки шаҳрвандии Русияро ба даст овардаанд, дар кадом ҳолат метавонд шаҳрвандии онҳо бекор карда шавад.

Вазорати корҳои дохилаи Русия гуфта, ки агар шаҳрвандони хориҷӣ дар марҳилаи гирифтани он дар бораи худ маълумоти бардурӯғ пешниҳод кунанд ё ҳадафи гирифтани шиносномаи Русия амалиёте бошад, ки ба пояҳои низоми конститутсионии кишвар таҳдид мекунад, дар чунин ҳолатҳо шаҳрвандии Русия барои шахси хориҷӣ бекор карда мешавад. Дар ин бора ба ТАСС аз маркази матбуоти Вазорати корҳои дохилии Русия хабар доданд.

“Қарор дар бораи гирифтани шаҳрвандии Русия вақте бекор карда мешавад, ки агар муайян карда шавад, ки ин қарор дар асоси ҳуҷҷатҳои қалбакии пешниҳодкардаи ариза ё маълумоти дидаву дониста бардурӯғ гирифта шудааст ва инчунин агар аризадиҳанда ӯҳдадориҳои муқарраркардаи Созмони Милали Муттаҳидро ба дӯш нагирад”, – гуфт манбаи ТАСС.

Тибқи маълумоти Вазорати корҳои дохилии Русия, аз соли гузашта то имрӯз қариб 280 нафар аз шаҳрвандии қаблан ба даст овардаи Федератсияи Русия маҳрум карда шудаанд. Дар маҷмӯъ, дар соли 2020 беш аз 656 ҳазор нафар шаҳрвандони хориҷии шаҳрвандони Русия шуданд.

Ин дар ҳолест, ки фаъолони ҷомеаи шаҳрвандии тоҷик аз бемаврид лағв шудани шаҳрвандии Русия барои баъзе нафарони шинохта нигаронӣ мекунанд. Аз ҷумла шодравон Каромат Шарифов, яке аз чеҳраҳои шинохтаи тоҷик буд, ки тибқи гуфтаҳои коршиносон шаҳрвандияш бо ҳадафҳои сиёсӣ бекор карда ба Тоҷикистон истирдод шуд.

Ҳамчунин Иззат Амон, яке аз фаъолон ва ҳомии ҳуқуқи муҳоҷирон низ моҳи марти соли ҷорӣ бо далелҳои сиёсӣ бекор карда ва ба Тоҷикистон истирдод шуд.

Коршиносон мегӯянд, шаҳрвандии Русия барои сокинони кишварҳои Осиёи Марказӣ, ки бо низоми ҳокимонашон мухолифанд, ба манфиат нест. Зеро ҳар лаҳза метавонад бо даъвати он кишвар шаҳрвандии чунин шахсиятҳо бекор карда ба кишварашон истирдод шаванд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Тоҷикистон шомили кишварҳои олудатарини ҷаҳон шуд

Созмони швейтсариягии IQAir, ки сифатнокии ҳаворо дар кишварҳои ҷаҳон таҳқиқ мекунад, дар гузориши тозааш Тоҷикистонро шомили кишварҳои олудатарини дунё кардааст.

Шикояти муҳоҷирони тоҷик дар Русия аз боздошту шиканҷа

Пас аз ҳодисаи ҳамла ба бинои "Крокус Сити Ҳолл" дар Маскав муҳоҷирони тоҷик аз ҷониби пулис ва ҳатто мардуми оддӣ мавриди ҳамлаҳои лафзӣ ва ҷисмӣ қарор гирифтаанд.

Ҳабси пешакии гумонбарон дар ҳамлаи хунини Русия

Пас аз ҳодисаи ҳамла ба бинои "Крокус Сити Ҳоле" дар Маскав муҳоҷирони тоҷик аз ҷониби пулис ва ҳатто мардуми оддӣ мавриди ҳамлаҳои лафзӣ ва ҷисмӣ қарор гирифтаанд.

Баррасии ҳамкориҳои Тоҷикистону Туркия

Мақомоти баландпояи Тоҷикистон ва Туркия дар бораи ҳамкориҳои худ ва аз он ҷумла дар бораи масоили амниятӣ суҳбат карданд.