17.9 C
Dushanbe

Дар ҳуҷуми мусаллаҳона бар Донишгоҳи Кобул 22 нафар кушта шудааст

Пулис дар атрофи Донишгоҳ. Сурат: Rahmat Gul/AP Fhoto/picture alliance

Дирӯз 02 ноябр дар шаҳри Кобули Афғонистон ду мусаллаҳ ба Донишгоҳи Кобул бар бинои “Маркази миллии омӯзишҳои ҳуқуқӣ” ворид гашта донишҷӯёнро тирборон кардаанд.

Бино ба гуфтаи расонаҳои маҳаллӣ, дар пайи ин ҳамла ба Донишгоҳи Кобул 22 нафар кушта, 40 нафари дигар маҷрӯҳ шуданд.

Тирандозӣ рӯзи душанбе дар дохили як донишгоҳ дар пойтахти Афғонистон, шаҳри Кобул сурат гирифт. Расонаҳо инчунин хабар доданд, ки дар ҷои ҳодиса садои таркиш шунида шудааст.

Тибқи хабарҳо 2 марди мусаллаҳ вориди бино шуда, ба тирандозӣ шуруъ кардаанд, ки дар натиҷа чанд нафар кушта ва захмӣ гаштаанд. Дар байни фавтидагон як низомӣ ҳам будааст. Вазорати корҳои дохилӣ хабар дода буд, ки нерӯҳои махсус ба ҷои ҳодиса ҳозир шуда, амалиётеро дар як бино анҷом дода, аз он бино садҳо нафарро ба берун баровардаанд.

Қаблан шабакаи телевизионии “Tolo News” бо такя ба манбаъҳояш хабар дода буд, ки таркиш ва тирандозӣ замоне рух дод, ки намояндагони Афғонистон ва Эрон дар донишгоҳ намоишгоҳи китобҳоро мекушоданд.

Тибқи гузориши 1TV, Толибон даст доштани худ дар ин ҳодисаро рад мекунанд. Бино ба навиштаи расонаҳои Афғонистон масъулияти ин ҳамларо гуруҳи ДОИШ бар уҳда гирифтааст.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Идомаи “рейд”-и муҳоҷирон дар Русия

Ҳафтаи дуюм аст, ки дар шаҳру ноҳияҳои Федератсияи Русия...

Боздошти собиқ раиси Тоҷик-Эйр

Мақомоти Тоҷикистон собиқ раиси Фурӯдгоҳи байналмилалии шаҳри Душанбе ва ширкати ҳавопаймойи "Тоҷик-Эйр"-ро боздошт кардаанд.

Сиёсати ҷанг ё идораи об?

Дар натиҷаи набардҳои ба вуҷуд омада дар минтақаҳои ҳаммарзи Афғонистон ва Эрон дасти кам се нафар кушта ва даҳҳо каси дигар аз ду тараф ҷароҳат бардоштанд.

Аз истирдоди як тоҷик ба Душанбе пешгирӣ шуд

28-уми майи соли ҷорӣ аз истирдоди паноҳҷӯи тоҷик Сорбон Абдураҳимзодаи 30-сола аз Варшава ба Душанбе пешгирӣ шуд.