35.9 C
Dushanbe

Дар оташсӯзии хобгоҳи муҳоҷирон шаҳрвандони тоҷик низ осеб дидаанд

Сурат: 63.mchs.gov.ru

Рӯзи 7 ноябр як хобгоҳ дар шаҳри Самараи Русия ба коми оташ рафтааст, ки дар натиҷа чаҳор нафар фавтида ва панҷ нафари дигар дар ҳолати вазнин ба беморхона итиқол дода шудаанд. Дар ин бора Раёсати ҳолатҳои фавқулоддаи вилояти Самара хабар дод.

Нашрияҳои маҳалии Самара аз манбаашон аз мақомти ҳифзи ҳуқуқ навиштаанд, ки ҳалокшудагон ва осебдидагон шаҳрвандони Тоҷикистон ва Узбекистон будаанд. Вале то ҳол ҳувияти онҳо маълум нашудааст.

Гуфта мешавад, ки бино тахминан соати 08:24 оташ гирифта, ба оташхомӯшкунон муяссар гардидааст, ки пас аз 4 соат оташро пуррра хомӯш кунанд. Масоҳати сӯхтор ҳудуди 500 метри мураббаъ буда, қабати дуввум ва севвуми бино комилан ба коми оташ рафтааст.

Дар хабарномаи Раёсати ҳолатҳои фавқулоддаи вилояти Самара гуфта шуда, ки хобгоҳ ғайрирасмӣ буда, шаҳрвандони Тоҷикистону Узбекистон дар он иқомат мекардаанд.

Соҳиби бино боздошт гардида, тафтишот дар ин маврид идома дорад.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Мулоқоти сафири Тоҷикистон бо Додситони кулли Туркия

Ашрафҷон Гулов, домоди Эмомалӣ Раҳмон ва сафири Тоҷикистон дар Туркия, 8-уми июни соли ҷорӣ бо Додситони кулли Туркия Бекир Шоҳин мулоқот карда, ба густариши ҳамкориҳо таъкид кард.

Ифтитоҳи бузургтарин масҷиди Осиёи Марказӣ дар Тоҷикистон

Бузургтарин масҷиди Осиёи Марказӣ бо ҳузури Амири давлати Қатар Шайх Тамим ибни Ҳамад Оли Сонӣ ва Эмомалӣ Раҳмон, Президенти Тоҷикистон дар шаҳри Душанбе мавриди баҳрабардорӣ қарор гирифт.

Имзои 15 санади ҳамкорӣ байни Тоҷикистон ва Қатар

Маросими имзои 15 санади ҳамкорӣ байни Тоҷикистон ва Қатар бо ҳузури сарони ду кишвар дар шаҳри Душанбе баргузор шуд.

Идомаи боздошти муҳоҷирони тоҷик дар Русия

Нерӯҳои интизомии Федератсияи Русия субҳи имрӯз, 8-уми июн беш аз 27 муҳоҷири тоҷикро аз сохтмоне дар шаҳраки Котелникии вилояти Маскав боздошт карда, ба шуъбаи пулис бурдаанд.