-2.1 C
Dushanbe

Дархости сенаторони амрикоӣ аз Раҳмон: зиндониёни сиёсиро фавран озод кунед!

Гурӯҳе аз сенаторҳои амрикоӣ аз раисҷумуҳри Тоҷикистон Эмомалӣ Раҳмон бо ирсоли номае хостаанд то зиндониёни сиёсиро беқайду шарт озод кунад. Ин гурӯҳи сенаторҳо аз ҳизби Демократ ва Ҷумҳурихоҳи Амрико дар номаи худ аз он нигаронӣ кардаанд, ки набояд шаҳрвандонро барои ибрози ақида, фаолиятҳои сиёсӣ ва иҷтимоӣ боздошт ва зиндонӣ кард. Дар идома онҳо аз Эмомалӣ Раҳмон дархост кардаанд, ки бо таваҷҷӯҳ ба вазъияти буҳрони коронавирус дар ҷаҳон, ки зиндониён яке аз қишрҳои осебпазир маҳсуб мешаванд, онҳо бояд озод карда шаванд.

Сенаторони амрикоӣ барои ташвиқи Раҳмон дар ин нома хотирнишон кардаанд, ки дар бисёре аз кишварҳои дунё аз ҷумла, дар Амрико зиндониёнро пеш аз муҳлат озод кардаанд.

Дар номаи сенаторҳои амрикоӣ чунин омадааст: “Мо аз шумо дархост мекунем то ҳамаи зиндониёне, ки ба хотири изҳори ақида ва баёни андешаашон боздошт ва зиндонӣ шудаанд, бо шумули гурӯҳи донишҷуён, фаолони ҷамъиятӣ ва ҳомиёни ҳуқуқи башарро фавран озод кунед! Афрод ҳаргиз набояд бахотири озодии гирдиҳамоӣ, озодии баён ва фаъолиятҳои иҷтимоъияшон боздошт ва зиндонӣ шаванд. Мо аз Шумо даъват мекунем, ки шаҳрвандони зиндонии сиёсиро бе ҳеч қайду шарте дар чорчӯби қонун озод кунед”.

Дар ин нома сенаторони амрикоӣ ба Эмомалӣ Раҳмон, номи ду зиндониро ёдрас кардаанд. Яке Бузургмеҳр Ёров, вакили мудофеъи зиндонӣ ва дуюмӣ Далер Шарипов, рӯзноманигори зиндонӣ мебошад. Ба қавли ин гурӯҳи сенаторон парвандаи ин зиндониҳо бидуни далелу ва дар додгоҳои ғайри шаффоф  барраси шудааст. Дар идома гуфтаанд, мо хабар дорем, ки Бузургмеҳр Ёров, вакили мудофеи раҳбарони Ҳизби наҳзати Исломӣ пас аз он боздошт ва ба муддати 23 сол зиндони шуд, ки аз шиканҷаи як аз зериҳомояааш, ки узви раёсати ҲНИТ буд, ба расонаҳо хабар дод. Парвандаи Бузургмеҳр Ёоров таваҷӯҳи ҷомеаи байналмиллалиро ба худ ҷалб кардааст ва Гурӯҳи кории боздоштҳои худсаронаи созмони Миллаили Муттаҳид низ боздошти ӯро худсарона ва ғайри қонунӣ дониста дархости озодии ӯро карааст.

Хотирнишон мекунем, ки дар зери ин нома 12 тан аз сенаторони амрикоӣ аз ҳизби Демократ ва Ҷумҳурихоҳ имзо гузоштаанд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Толибон: Аҳмади Масъуд бо Иморати исломӣ байъат кардааст

Толибон мегӯянд, ки Аҳмади Масъуд, раҳбари ҷабҳаи муқовимати миллии Афғонистон бо Иморати исломӣ байъат кардааст.

Тасдиқи бемории Мамадшоева дар зиндон

Улфатхоним Мамадшоева, рӯзноманигор ва фаъоли зодаи Вилояти Мухтори Кӯҳистони Бадахшон дар зиндон аз фишорбаландӣ азият мекашад.

Бобаки Занҷонӣ баъди 10 сол озод мешавад

Бобаки Занҷонӣ, миллардер ва тоҷири шинохтаи эронӣ, ки бо иттиҳоми напардохтани беш аз 2 миллиард евро дар Теҳрон боздошт ва зиндонӣ шуда буд, озод хоҳад шуд.

Раиси Додгоҳи ноҳияи Ҷаббор Расулов бо кадом ҷурм зиндонӣ шуд?

Агентии зидди фасоди Тоҷикистон мегӯяед, раиси Додгоҳи ноҳияи Ҷаббор Расулов бо иттиҳоми гиирфтнаи пора дар ҳаҷми калон боздошт ва равонаи зиндон шуд.