Дастаи “Истиқлол”-и Тоҷикистон бо “Ал-Ҳилол”-и Арабистони Саудӣ бозӣ хоҳад кард

Федератсияи футболи Тоҷикистон ба Конфедератсияи футболи Осиё (AFC) барои баргузории бозиҳои марҳилаи гурӯҳии Лигаи қаҳрамонҳои AFC-2021 ва Ҷоми AFC-2021 дар Душанбе ва Ҳисор, ки дар он бошгоҳҳои Тоҷикистон иштирок мекунанд, дархост фиристод.

Бино ба иттилои маркази матбуотии Федератсия футболи Тоҷикистон барои баргузории марҳилаи гурӯҳии Лигаи қаҳрамонҳои AFC-2021 дар гурӯҳи “А” ариза пешниҳод кард. Дар ин гурӯҳ, қаҳрамони Тоҷикистон, "Истиқлол"-и Душанбе бо дастаи "Ал-Ҳилол" (Арабистони Саудӣ) ва "Шабаб Ал-Аҳли Дубай" (АМА) бозӣ мекунад.

Ҳамчунин Федератсияи футболи Тоҷикистон ба AFC барои баргузории бозиҳои марҳилаи гурӯҳии Ҷоми AFC-2021 дар шаҳрҳои Душанбе ва Ҳисор дар гурӯҳҳои «E» ва «F» ариза пешниҳод намудааст. Дар ин гурӯҳҳо аз Тоҷикистон бошгоҳҳои “Равшан” ва “Хуҷанд” ҳунарнамоӣ мекунанд.

Дар Ҷоми AFC-2021 барандаи феълии Ҷоми Тоҷикистон “Равшан”-и Кӯлоб дар гурӯҳи “E” бозӣ мекунад. Рақибони бошгоҳи Кӯлоб қаҳрамони Қирғизистон "Дордой"- и Бишкек ва ноиби қаҳрамони Туркманистон "Аҳал" хоҳанд буд.

Барандаи медали нуқраи чемпионати Тоҷикистон "Хуҷанд" дар гурӯҳи "F" якҷоя бо дастаҳои АГМК ва ё «Насаф»-и Узбекистон, “Олтин Асир”-и Туркменистон ва “Олой”-и Қирғизистон баромад мекунад.

Марҳилаи гурӯҳии Ҷоми AFC-2021 дар шакли “як бозӣ” аз 14 то 20 май дар як давр баргузор мешавад. Ғолибони гурӯҳ дар финали минтақавӣ, ки аз ду бозӣ иборат аст бозӣ мекунанд. Ин бозиҳо 11 ва 25 август баргузор мешаванд.

Конфедератсияи футболи Осиё ҷойи баргузории марҳилаи гурӯҳии мусобиқаҳои бошгоҳии қитъаро дертар эълон мекунад.