23.2 C
Dushanbe

Директор ба дуздии тақрибан 300 ҳазор сомнӣ муттаҳам шуд

Директори ширкати “Аҳмад Сохтмон” бо иттиҳоми ғайриқонунӣ соҳиб шудани наздики 300 ҳазор сомонии буҷети давлат муттаҳам ва алайҳаш парвандаи ҷиноятӣ боз шудааст.

Тавре дафтари матбуоти Агентии назорати давлатии молиявӣ ва мубориза бо коррупсияи Тоҷикистон хабар медиҳад, Назаров Хуршедҷон Абдураҳмонович директори Ҷамъияти дорои масъулияташ маҳдуди “Аҳмад Сохтмон” бо баҳонаи таъмиру сохтани “бинои шуъбаи маорифи ноҳияи И.Сомонӣ дар асоси супоришномаҳои пулӣ қасдан ва бо роҳи сохтакории хизматӣ ҷамъ маблағи 272043 сомониро барзиёд нишон дода, маблағи мазкурро тасарруф намудааст, ки дар натиҷа ба давлат зарари калони моддӣ расонид.

Агентӣ бо ин иттиҳом бар зидди Назаров Хуршедҷон бо моддаҳои 245 қисми 4 банди “б” ва 340 қисми 1 Кодекси ҷиноятии Ҷумҳурии Тоҷикистон парвандаи ҷиноятӣ боз кард. Ба иттилои манбаъ, таҳқиқи парванда аллакай ба поён расида, он ба додгоҳ фиристода шудааст.

Моддаҳои ҷиноятие, ки Назаров мувофиқи онҳо муттаҳам мешавад, дар сурати исбот шудан ӯро ҷаримаи то 3 ҳазор нишондиҳанда барои ҳисобҳо ва ё зиндонии аз 10 то 15 сол ва ҳатто бештар аз он ҳам интизор аст.

Ин бори аввал нест, ки мансабдорон бо иттиҳоми дуздии буҷети давлат боздошт ва ҳатто зиндонӣ мешаванд. Вале дар Тоҷикистон таҷрибаҳо нишон дода, ки дар аксар ҳолатҳо чунин шахсиятҳо бо дар миён даровардани шиносҳо ва ба қавле “тағаҳо” аз ҷиноятҳои сангин маоф мешаванд ва парвандаашон баста шуда ва ҳатто ба сари кори қаблияшон бармегарданд.

Аммо акси ин гурӯҳ, равшанфикрон ва мухолифони ҳукумат ҳатто бо иттиҳоми камтар аз ҳазор сомонӣ барои солҳои тӯлонӣ равонаи зиндон шудаанд. Чанде пеш шоҳиди он будем, ки алайҳи авдвакати зиндонии шинохта Бузургмеҳр Ёров бо иттиҳоми қаллобӣ ва тасарруфи 42 ҳазору 500 сомнӣ, ки исботи худро наёфт, парванда боз шуд ва дар ниҳоят боз ба ҳукми зиндонаш беш аз 10 соли дигар афзуданд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Бозгашти нахустин гурӯҳи зоирони тоҷик

Нахустини гурӯҳи зоирони тоҷикистонӣ баъд аз анҷоми маросими Ҳаҷ-2024 аз Арабистони Саудӣ ба Ватан баргарштанд.

Нопадид шудани панҷ сокини Язгулом дар фурӯдгоҳи Кӯлоб

Панҷ нафар аз сокинони ноҳияи Язғулом дар фурӯдгоҳи шаҳри Кӯлоб нопадид шудаанд. Дар ин бора хешовандонашон ба расонаҳо дар Тоҷикистон хабар додаанд. 

Ҳамлаи террористӣ дар Доғистон 20 кушта ба ҷо гузошт

Бино ба иттилои Вазорати корҳои дохилии Русия, шаби 23-уми...

Абдусалом Одиназода аз зиндон озод шуд

Абдусалом Одиназода, донишманди тоҷики муқими Австралия баъд аз 3,5 соли зиндон рӯзи 19-уми июн ба озодӣ баромад.