27.9 C
Dushanbe

Додситонӣ барои гӯш кардани телефонҳо тамрин мегузаронад

Додситонии кулли Тоҷикистон бо як ташабубс барои кормандони сохторҳои қудратӣ дар бораи чӣ гуна “гӯш кардан ва сабти гуфтугӯӣ телефон”-ҳо курсҳои таълимӣ доир кард.

Тавре маркази матбуоти Додситонии кулли кишвар рӯзи 19-уми апрел хабар дод, ин курсҳои таълимӣ бо фармони раҳбари ин ниҳод Юсуф Раҳмон аз ҷониби Донишкадаи омӯзиши масъалаҳои қонуният, тартиботи ҳуқуқӣ, ҷинояткорӣ ва такмили ихтисоси кормандони мақомоти додситонии Тоҷикистон аз 4 то 12 апрели соли 2023 гузаронида шудааст.

Гуфта мешавад, ин курсҳои таълимӣ “дар се минтақа бо иштироки 71 нафар муфаттишон мақомоти прокуратураи ҳарбӣ, прокуратураҳои вилоятҳо ва шаҳру ноҳияҳо ва ба онҳо баробаркадашуда дар шаҳри Душанбе, вилоятҳои Суғду Хатлон дар мавзӯи «Гузаронидани кофтуков, ёфта гирифтан, ҳабси муросилоти почта, хабарҳои телеграфӣ ва хабарҳои дигаре, ки тавассути шабакаҳои алоқаи барқи ва алоқаи почта интиқол дода мешаванд, гӯш кардан ва сабти гуфтугӯӣ телефонӣ” гузаронида шудааст.

Ба иттилои Додситонӣ, ҳадафи асосии ин курсҳои таълимӣ “омӯзиши талаботи қонунгузории мурофиавӣ ҳангоми тафтиши парвандаҳои ҷиноятӣ, таъмини саривақтии ҳаракатҳои тафтишотӣ оид ба кофтуков, ёфта гирифтан, ҳабси молу мулк ҷиҳати таъимини даъвои гражданӣ бо парвандаҳои ҷиноятӣ ва барқарор намудани зарари расонидашуда” будааст.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Гумонбарон дар қатли занҷираии Конибодом боздошт шуданд?

Мақомот гумонбарон дар қатли занҷираӣ дар шаҳри Конибодоми вилояти Суғдро боздошт кардаанд.

Ҳушдори КҲФ аз омадани сел дар баъзе манотиқ кишвар

Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон ба сокинон ва меҳмонони кишвар аз эҳтимоли омадани сел дар чанд ноҳияи кишвар ҳушдор медиҳад.

Боздошти Усмонзода бо иттиҳоми ғасби ҳокимият

Дахлнопазирии вакили парлумони кишвар Саидҷаъфар Усмонзода бекор ва худи ӯ ба ҳабси пешакӣ гирифта шуд.

“Карим”-ро аз Русия ихроҷ карданд

Мақомоти Русия варзишкори тоҷик ва қаҳрамони ду вазни созмони "Hardcore MMA" Фазлиддин "Карим" Мадраҳимовро аз ин кишвар ихроҷ карданд.