23.9 C
Dushanbe

Бону Улфатхоним Мамадшоева боздошт шуд

Улфатхоним Мамадшоева, фаъоли ҷомеаи маданӣ ва аз зодагони Бадахшон имрӯз, 18-уми май аз ҷониби мақомоти ҳифзи ҳуқуқ дар Душанбе боздошт шудааст. Дар ин бора Радиои Озодӣ хабар дод.

Акс аз манбаъҳои боз гирифта шудааст

Дирӯз дар пайи ҳамлаи афроди номаълум ба хонаи Улфатхоним Мамадшоева, барқи хонааш қатъ гардида, дари хонааш аз берун баста ва домодаш ба ҷои номаълум бурда шуд.

18-уми майи соли 2022, журанлист Рамзия Мирзобекова, яке аз наздикони Улфатхоним Мамадшоева дар саҳифаи Фейсбукиаш хабар дод, ки “касе дари хонаи онҳоро кӯфтааст. Духтараш вақте аз сурохии дар (глазок) нигоҳ мекунад, меҳмонро намешиносад, ба ин хотир дарро ба рӯи онҳо накӯшодааст.”

Ҳамлаварон барқи хонаи бону Улфатхоним Мамашоеваро қатъ карданд, сипас домодаш тасмим гирифта, ки аз хона хориҷ шуда, бибинад, чӣ гап шудааст. Ин афроди номаълум “домодро гирифта бурданд.”

Вазорати корҳои дохилии Тоҷикистон ва дигар мақомоти кишвар то кунун ин хабарро расман шарҳу тафсир надодаанд. Azda tv низ ин хабарро аз манбаъҳои мусақил таъйид ё такзиб карда наметавонад.

Бо ин ҳол, Улфатхоним Мамашоева, зодаи Вилояти Мухтори Кӯҳистони Бадахшон асту яке аз ҳомиёни ҳуқуқи инсон ва журналисти мустақил мебошад. Мақомоти корҳои дохилии Тоҷикистон ду рӯз пеш ӯро ба “раҳбарӣ” ва “сарпарастӣ”-и эътирозҳои ахир дар шаҳри Хоруғ муттаҳам карда, гуфта буд, прокуратураи вилоят алайҳи онҳо парвандаи ҷиноятӣ боз кардааст.

Инчунин дирӯз, 17-уми майи соли ҷорӣ низ ду хабарнигори Радиои Озодӣ, Муллораҷаб Юсуфӣ ва Барот Юсуфӣ, ки барои суҳбат кардан бо ӯ ва шарҳи вокунишаш ба иттиҳомоти ВКД ба хонаи вай рафта буданд, баъд аз суҳбат тавассути “афроди ношинос” мавриди латукӯб қарор гирифта буданд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Мақомот мехоҳанд бародари як мухолифи тоҷикро аз хонааш берун кунанд

Мақомоти ноҳияи Зафаробод мехоҳанд замини як мухолифи тоҷик Салим Султонзодаро, ки дар он бародараш хона сохтаасту зиндагӣ мекунад, мусодира кунад.

Мақомот: Занҳо сарт напӯшанду мардҳо ришу мӯйи баланд нагузоранд!

Мақомоти амниятӣ ва интизомии кишвар дар кӯчаву бозорҳо "рейд" гузаронида, масъалаи пешгирӣ аз "либоси ба фарҳанги тоҷикон бегона"-ро сахт гирифтаанд.

Кишварҳои аврупоӣ давлати Фаластинро ба расмият шинохтанд

Рӯзи чоршанбе, 22-уми майи соли ҷорӣ кишварҳои Ирландия, Испания ва Норвегия аз тасмими худ дар бораи ба расмият шинохтани давлати Фаластин хабар доданд.

Сафари Раҳмон ба Теҳрон

Субҳи имрӯз Президенти Тоҷикистон дар раъси як ҳайати расмӣ вориди Теҳрон, пойтахти Эрон шуд.