23.9 C
Dushanbe

Вокуниши бону Улфатхоним Мамадшоева ба иттиҳомоти ВКД

Улфатхоним Мамадшоева дар вокуниш ба иттиҳомоти Вазорати корҳои дохилии Тоҷикистон алайҳи ӯ гуфт, ки “ба ҷуз виҷдони пок ва дилсӯзӣ нисбат ба мардуми кӯчаки худ-Помир чизе барои гуфтан надорам.”

Акс аз саҳфаи фейсбукии Улфатхоним Мамадшоева

Дирӯз, 16-уми майи соли 2022 Вазорати корҳои дохиллии Тоҷикистон, аз ҷумла бону Улфатхоним Мамадшоеваро ба “роҳбарӣ” ва “сарпарастӣ”-и эътирозҳои мардумӣ дар шаҳри Хоруғ муттаҳам карда, гуфт, ки “нисбати саркардагони ин ҳодиса аз тарафи Прокуратураи ВМКБ парвандаи ҷиноятӣ оғоз карда шудааст.”

Аммо имрӯз, 17-уми майи соли ҷорӣ ин ҳомии ҳуқуқи иснон ва журналист дар вокуниш ба иттиҳомоти Вазорати корҳои дихилӣ (ВКД) гуфт:

“Номи ман Улфатоним Мамадшоева аст, ҳомии ҳуқуқ ва рӯзноманигори мустақил ҳастам. Ва ба ин гуна иттиҳомоти ВКД нисбат ба ман танҳо метавонам бигӯям, ки ба ҷуз виҷдони пок ва дилсӯзӣ нисбат ба мардуми кӯчаки худ – Помир чизе барои гуфтан надорам.”

Ҳамзамон хонум Ойниҳол Бобоназарова дар робита ба ин иттиҳоми мақомоти корҳои дохилии Тоҷикистон алайҳи бону Улфатхоним Мамадшоева гуфтааст:

“Улфат яке аз шахситҳоест, ки Тоҷикистонро бо тамоми ҳастияш дӯст медорад. Аввалин бонуе, ки барои истиқлолияти Тоҷикистон заҳматҳо кашид. Барои ӯ маҳал вуҷуд надорад. Дарди ҳар нафарро дарди худ меҳисобад.”

Ҳуқуқшиноси шинохтаи кишвар хонум Ойниҳол Бобоназарова иттиҳоми мақомоти корҳои дохилӣ алайҳи бону Улфатхоним Мамадшоевро беасос хонд, таъкид кардааст: “Агар ҳақиқатгӯӣ ва чоплус набудан гуноҳ бошад, пас ҳамаи чоплусон қаҳрамонанд…”

Эътирозҳои мардумӣ дар шаҳри Хоруғ, маркази Вилояти Мухтори Кӯҳистони Бадахшон, ки рӯзҳои 14 ва 16-уми майи соли ҷорӣ бо ҳузури Мамадбоқир Мамадбоқиров баргузор шуданд, ахиран тавассути мақомоти қудратӣ ба хоку хун кашида шуда, дар натиҷа дасти кам 9 кас захмӣ ва як нафар ҳам кушта шудааст.

Эътирозгарон дар ин гирдиҳамоиҳои худ асосан се талаби қонунӣ доштанд, ки яке аз онҳо истеъфои раиси вилоят ва раиси шаҳри Хоруғ, озодии боздоштшудаҳо ва боздошту ба панҷаи қонун супоридани кормандони ҷинояткори мақомот, ки дар вақти эътирозҳои осоишта ба самти мардум тир кушода, дасти кам се нафарро кушта ва 17 тани дигарро захмӣ карда буданд.

Вазорати корҳои дохилӣ теъдоди захмиҳо аз ҷониби мақомотро 3 нафар эълон кардааст, вале пеш аз он пойгоҳи иттилоърасонии Памир Дайли Нюс хабар дода буд, ки дар ин ҳамлаи мақомот дасти кам 6 нафар аз эътирозгарон захмӣ шудаанд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Тоҷикистон: 8 миллиард барои обу ҳаво

Кумитаи ҳифзи муҳити зисти Тоҷикистон ва Бонки Осиёии Рушд...

Боздошти Шокирҷон Ҳакимов, муовини раиси ҲСДТ

Шокирҷон Ҳакимов, муовини якуми раиси Ҳизби сотсиал-демократи Тоҷикисон аз...

Боздошти марди 59-солаи тоҷикистонӣ дар Олмон ба иттиҳоми қатли ҳамсар

Мақомоти олмонӣ як марди 59-солаи тоҷикистониро бо иттиҳоми қатли ҳамсараш боздошт кардаанд.

Баъди латукӯби сарбоз раиси суди ноҳияи Шамсиддин Шоҳин аз вазифа барканор шуд

Раиси суди ноҳияи Шамсиддин Шоҳини вилояти Хатлон, ки як сарбозро латукӯб карда буд, аз вазифа барканор шуд.