Ду хабарнигори Радиои Озодӣ, Муллораҷаб Юсуфӣ ва ҳамкораш Барот Юсуфӣ аз “Настоящее время” дар шаҳри Душанбе мавриди ҳамла қарор гирифтаанд.
Имрӯз, 17-уми майи соли 2022, Салим Айюбзод, раҳбари бахши тоҷикии Радиои Озодӣ аз мавриди ҳамла қарор гирифтани ду ҳамкораш дар шаҳри Душанбе, пойтахти Тоҷикистон хабар дод.
Муллораҷаб Юсуфӣ дар як навори кӯтоҳ дар шаҳри ин ҳодиса нақл карда мегӯд, ки пас аз мусоҳиба бо бону Улфатхоним Мамадшоева дар шаҳри Душанбе аз ҷониби афроди номаълум ӯ ва ҳамкораш Барот Юсуфӣ маврид ҳамла қарор гирифтаанд. Ҳамлагарон гаштаву баргашта таҳдид карда ба ӯ гуфтаанд, “тамоми чизҳоятро бидеҳ, ки ба Худо мо туро мепарронем-ба Худо мо туро мепарронем…” ва ҳама чизи ӯро гирифта рафатаанд”.
Ба гуфтаи Салими Айбзод, Вазорати корҳои дохилии Тоҷикистон аризаи онҳоро дар хусуси мавриди ҳамла қарор гирифтани ду хабарнигорашон қабул кардааст.
Аюбзода изҳори умедвор карда, ки “Вазорати корҳои хориҷии Тоҷикистон дар як изҳорот ҳамла ба хабарнигоронро маҳкум ва боздошту сазои зӯроваронро тақозо мекунад.”
Инчунин вай таъкид мекунад, ки умедвор аст, “ин ҳамлаҳо бо фармони ягон мансабдор рух надодаанд. Дареғ, муштзӯрон ба симои Тоҷикистон низ лагад заданд. Пас бояд ҷазо гиранд.”
Гуфтанист, то замони таҳияи ин хабар Вазорати корҳои дохилии Тоҷикистон дар бораи ин ҳодиса ҳеч гуна шарҳу тафсире расман ироа накардааст, аммо Салими Айюбзод гуфтааст: “Аризаи моро ВКД гирифт. Аз натиҷааш хабар хоҳем дод.”
