Шоми 26-уми август дар атрофи Фурӯдгоҳи байналмилалии Кобул ду таркиш ба вуқуъ пайваст, ки дар асари онҳо даҳҳо нафар кушта ва захмӣ шуданд.
Маҷаллаи амрикоии ‘‘THE Wall Street Journal” дар гузорише тоза эълом кард, ки дар асари таркишҳои Кобул дасти кам 13 амрикоӣ ва 90 афғонистонӣ кушата шудааст. Ин маҷалла омори дақиқе аз захмиҳо ироа накардааст.
Пештар телевизиони “Ал-Ҷазира” ба нақл аз як масъули беморхонаи Кобул хабар дода буд, ки дар асари ин ду таркиш дасти кам 40 кушта ва 110 нафар захмӣ шудааст.
Инчунин сухангӯи Пентагон, Ҷон Керби ба “Ройтерз” гуфта буд, ки дар таркишҳои дирӯзаи фурӯдгоҳи Кобул чанде аз сарбозони амрикоӣ низ кушта шудаанд. Ин мақоми амрикоӣ шумори кушташудагони сарбозони амрикоиро нагуфт, аммо “Ройтерз” ҳаддиақал аз кушта шудани 4 сарбози амрикоӣ хабар дода буд.
We can confirm that the explosion at the Abbey Gate was the result of a complex attack that resulted in a number of US & civilian casualties. We can also confirm at least one other explosion at or near the Baron Hotel, a short distance from Abbey Gate. We will continue to update.
— John Kirby (@PentagonPresSec) August 26, 2021
Ҳамзамон як мақоми Толибон гуфта, ки дар байни кушташудагон кӯдакон ва занон низ ҳастанд. Инчунин аз захмӣ шудани шуморе аз нерӯҳои Толибон ва амрикоиҳо низ гузориш мешавад. Гуфта мешавад, шуморе аз захмиёни инфиҷор шоми рӯзи гузашта ба беморхонаи “Emergency”-и шаҳри Кобул мунтақил шуданд, ки 6 нафари онҳо дар роҳ ҷон бохтанд.
Ба таъкиди расонаҳои маҳаллӣ шоҳидон гуфтаанд, ки пас аз инфиҷори якум садои тирпаронӣ дар маҳалли ҳодиса шунида шудааст.
More photos are coming from #Kabul airport. Chaos everywhere. pic.twitter.com/ZxUokOP9Fc
— Barzan Sadiq (@BarzanSadiq) August 26, 2021
Ба гузориши “Тулуъ нюс” инфиҷори аввал муҳоҷими интиҳорӣ буда ва маҳалли инфиҷор дарвозаи вурудии марбут ба сарбозони Бритониё будааст ва дарс асл ҳадафи ҳамла итолиёиҳо будаанд.
Пештар ҳам сафоратҳои Бритониё ва Амрико аз эҳтимоли вуқуъи инфиҷор хабар дода буданд ва аз шаҳрвандони худ хоста буданд, ки ба фурӯдгоҳ нараванд.
Забиҳуллоҳи Муҷоҳид, сухангӯи Толибон мегӯяд, маълумот дар бораи эҳтимоли ҳамлаи террористӣ дар фурӯдҳои Кобулро ӯ дар ихтиёри амрикоиҳо қарор додааст.
Ҳаракати Толибон таркишҳои атрофи фурӯдгоҳи Кобулро террористӣ хонда, онро ба шиддат маҳкум кардааст. Сухангӯи ин ҳаракат, Забиҳуллоҳи Муҷоҳид гуфта, ки ин инфиҷорҳо дар минтақае, ки амнияти он дар дасти нерӯҳои амрикоӣ буд, рух додааст.
#واکنش:
امارت اسلامی انفجار بر مردم ملکی در میدان هوایی کابل را به شدت نکوهش میکند.
انفجار مذکور در ساحۀ بوقوع پیوسته است که امنیت ان در دست نیروهای امریکایی است.
امارت اسلامی به امنیت و حفاظت مردم خود سخت متوجه می باشد.
جلو حلقات شریر به قوت تمام گرفته خواهد شد.— Zabihullah (..ذبـــــیح الله م ) (@Zabehulah_M33) August 26, 2021
Аз инфиҷори дуввум ба таври мушаххас ва ҷудогона гузориш нашудааст. Масъулияти ин ду амали террористиро гурӯҳи ДОИШ ба уҳда гирифтааст.
Дар бораи таркишҳои баъдӣ, ки баъзе расонаҳои теъдоди онҳоро то 7 адад арзёбӣ кардаанд, шабакаи хабарии “Алҷазира” гузориш дода, ки нерӯҳои амрикоӣ захира ва муҳиммоти ҷангии худро пас аз ин таркишҳои маргбор оташ заданд ва садои онҳо камтар аз содаи садои таркишҳо набудааст.
