33.9 C
Dushanbe

Эъломи тасмими ниҳоии Тоҷикистон дар мавриди истифода аз ваксинаи “АstraZeneca” дар рӯзҳои наздик

Тоҷикистон то ҳол дар бораи истифодаи оммавии ваксинаи коронавируси “AstraZeneca”, ки шаби 9-уми марти соли равон дар чорчӯби барномаи ҷаҳонии “COVAX” ба Тоҷикистон расида буд, қарори ниҳоӣ нагирифтааст.

Ба навиштаи “Авесто” қарор аст Вазорати тандурустӣ ва ҳифзи иҷтимоии аҳолии Тоҷикистон рӯзҳои наздик нишасти матбуотӣ доир намуда, дар он қарори ниҳоӣ дар мавриди истифодаи ваксинаи “AstraZeneca”-ро эълон хоҳад кард.

Ба иттилои манбаъ, тасмими ниҳоӣ ин ҳафта гирифта хоҳад шуд, ки дар бораи он аҳолии кишвар тавассути расонаҳо огоҳ карда мешаванд.

Шубҳаҳо дар бораи ваксинаи “AstraZeneca” пас аз он пайдо шуданд, ки бисёр кишварҳо, аз ҷумла баъзе кишварҳои Иттиҳоди Аврупо истифодаи ин ваксинаро мутваққиф карданд.

Кишвари Ирландия ва дигар кишварҳо лахташавии хунро дар бадани шахси ваксинагирифта мушоҳида намуданд ва ба ин далел истифодаи онро боздоштанд. Аммо коршиносон ва мутахассисони Созмони ҷаҳонии беҳдошт мегӯянд, то ҳол ҳеч далели мустақиме барои вуҷуди робита байни ин ваксина ва лахташавии хун вуҷуд надорад.

Ин созмон аз кишварҳо хост истифодаи ваксинаи “AstraZeneca”-ро мутваққиф накунанд ва аз он барои пешгирӣ аз паҳншавии вируси корона истифода баранд.

Ҳамзамон мудири СҶБ гуфт, ки Комиссияи махсуси ин созмон дар ҳамкорӣ бо Ожонсии дорусозии Аврупо бехатарии ваксина ва маълумоти мавҷударо меомӯзад.

Ваксинаи “AZD1222” аз ҷониби мутахассисони ширкати дорусозии “AstraZeneca” дар якҷоягӣ бо муҳаққиқони Донишгоҳи Оксфорд таҳия шудааст.

Ёдовар мешавем, ки шаби 9 марти соли равон 192 ҳазор дона ваксинаи “AstraZeneca” COVID-19 дар чорчӯби барномаи COVAX ба Тоҷикистон оварда шуд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Гурӯҳе аз имомони мусалмони кишварҳои ғарбӣ ба Исроил сафар карданд

Субҳи 7-уми июл, Президенти Исроил Исаак Ҳерсог дар қароргоҳаш бо як гурӯҳ аз имомон ва намояндагони ҷомеаҳои мусалмонӣ аз Фаронса, Белгия, Нидерланд, Италия ва Британияи Кабир дидору гуфтугӯ намудааст.

Амрико гурӯҳи “Ҳайат Таҳрир аш-Шом”-ро аз листи террористон хориҷ кард

Иёлоти Муттаҳидаи Амрико гурӯҳи “Ҳайат Таҳрир аш-Шом”-ро, расман аз феҳристи созмонҳои террористӣ хориҷ кард.

Содир Ҷабборов ба Тоҷикистон омад

8-уми июли соли 2025 Президенти Қирғизистон Содир Ҷабборов бо даъвати раисҷумҳури худкомаи Тоҷикистон Эмомалӣ Раҳмон ба Душанбе омад.

Дар Маскав беш аз 500 муҳоҷирро ба шуъбаҳои пулис бурдаанд

Мақомоти Русия дар шаҳри Маскав барои ошкор кардани роҳҳои муҳоҷирати ғайриқонунӣ "рейд" гузарондааст.