25.9 C
Dushanbe

Эмомалӣ Раҳмон аз худ дарак дод

Президенти Тоҷикистон, ки тайи беш аз 10 рӯзи ахир аз назари мардум ва чашми дурбини расонаҳо дур шуда буд, имрӯз Хадамоти матбуоти Президент бо нашри як паём аз ӯ дарак дод.

Бино ба иттилои расмӣ, имрӯз, 31-уми июли соли 2023 Президенти Тоҷикистон бо ирсоли як барқияи изҳори ҳамдардӣ ба Имороти Муттаҳидаи Араб аз ҳузури худаш баъди 12 рӯзи ғайбат хабар дода, марги бародари Шайх Муҳаммад бин Зоид Оли Наҳаёнро тасаллият гуфтааст.

Эмомалӣ Раҳмон дар паёмаш ба Муҳаммад бин Зоид Оли Наҳён аз ҷумла гуфтааст: “Хабари даргузашти бародаратон Шайх Саид ибни Зоид Оли Наҳён боиси ғояти ҳузну андӯҳи мо гардид.”

Эмомалӣ Раҳмон, ки баъди сафари ахираш ба Арабистони Саудӣ барои ширкат дар нахустин Нишасти сарони кишварҳои Осиёи Марказӣ+Халиҷ, ки 19-уми моҳи ҷорӣ дар шаҳри Ҷиддаи ин кишвар баргузор шуда буд, дигар дида нашуд.

Гуфта мешавад, дар мудддати се даҳи ахир бори нахуст дар Маҷлиси моҳанаи Ҳукуммати Тоҷикистон, ки дар рӯзи 28-уми моҳи ҷорӣ баргузор шуд, бидуни ҳузури Эмомалӣ Раҳмон, раиси Дастгоҳи Президент ва раиси Маҷлиси Миллии Маҷлиси Олӣ багузор гардид. Ин маҷлис бо раҳбарии Сарвазири Тоҷикистон Қоҳири Расулзода гузаронида шуд.

Бархе аз фаъолони мухолифин дар хориҷи кишвар бар ин назаранд, ки ҳавопаймои 92-миллион доллараи Эмомалӣ Раҳмон тариқи бархе сомонаҳои расадкунии ҳавопаймоҳҳо дида шуда, ки чанд рӯзи ахир дар яке аз фурӯдгоҳҳои Олмон ҳузур доштааст. Ба гуфтаи онҳо, Эмомалӣ Раҳмон ҳамроҳ бо фарзандонаш Рустами Эмомалӣ, шаҳрдори Душанбе ва раиси Маҷлиси Миллии Маҷлиси Олии Тоҷикистон ва духтараш Озода Раҳмон дар сафари хориҷӣ қарор доштаанд.

Ҳар чанд дар шабакаҳои иҷтимоӣ корбарон ҳадсу гумонҳоеро дар бораи хуб набудани вазъи саломатии Эмомалӣ Раҳмон ба миён гузоштаанд, вале мақомоти Тоҷикистон бар сурати расмӣ на дар бораи сафараш ва на дар бораи вазъи саломатии ӯ ҳеч гуна шарҳу тафсире ироа накардаанд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Ихроҷи 3400 муҳоҷир дар 6 моҳ

Дар шаш моҳи аввали соли ҷорӣ наздик ба сениюм ҳазор муҳоҷири тоҷикистониро мақомоти Русия ихроҷ кардаанд.

Оғози гармои шадид дар Тоҷикистон ва фармони Раҳмон ба мардум

Шурӯъ аз имрӯз дамои ҳаво дар бархе минтақаҳои Тоҷикистон ба таври камсобиқа гармтар шуда, ва он мақомотро нигарон кардааст.

Боздошти “РАЛИК” баъд аз нашри наворҳои баҳсбарангез

Рэпсарои ҷавони тоҷик Рамазон Муродов, ки бо тахалуси "РАЛИК" маъруф аст, рӮзи 23-уми июл пас аз интишори чанд навори интиқодӣ боздошт шуд.

Ҳалокати 5 узви як хонавода дар Суғд

Бар асари як садамаи нақлиётӣ дар вилояти Суғд 5 узви як хонавода кушта ва ду каси дигар захмӣ шудааст.