Эмомлаӣ Раҳмон рӯзи 4-уми марти соли ҷорӣ дар пасманзари бебарқиҳои сартосарӣ дар тамоми шаҳру навоҳии Тоҷикистон муовини визири энергетика ва захираҳои оби Тоҷикистонро аз мансабаш барканор кард.
Дар пайи аноҷми ин тағйироти кадрӣ дар Вазорати энергетика аксар бар ин назар буданд, ки Эмомалӣ Раҳмон дарди мардумро эҳсос карда, масъули баландпояи ин вазорати муҳими кишварро барои бемасъулиятӣ ва хунукназарӣ дар масъалаи таъмини барқ аз мансабаш барканор кардааст.
Аммо дар қарори Эмомалӣ, ки онро Хадамоти матбоутӣ Президенти кишвар нашр кард, омадааст, “Холмуҳамадзода Сорбони Амирхонӣ бо сабаби ба кори дигар гузаштан аз вазифаи муовини вазири энергетика ва захираҳои оби Ҷумҳурии Тоҷикистон озод карда шавад.”
То ҳол ба кадом мансаб гузаштани Холмуҳамадзода эълон нашудааст. Ба гуфтаи таҳлилгарон, барканории ӯ аз муовинати Вазорати Энергетика ба бебарқиҳои сартосарии ахири кишвар рабте надорад. Зеро, ба гуфтаи онҳо, дар торихи ҳукуматдории раисҷумҳур хеле кам сурат гирифта, ки мақомдорон маҳз ба хотири бемасъулиятӣ аз мансаб сабукдӯш шуда бошанд.
Барканории Холмуҳамадзода дар ҳоле сурат мегирад, ки давоми беш аз як ҳафта дар тамоми Тоҷикистон, ҳатто дар пойтахти кишвар, шаҳри Душанбе низ барқ хомӯш мешавад. Масъулони дахлдор мегӯянд, лимит ҷорӣ накардаанд ва ин ба камшавии оби обанборҳои барқӣ марбут аст.
Дар давоми як ҳафтаи гузашта Тоҷикистонро сармои шадид фаро гирифтааст, бар иловаи инсокинон барқ надоранд. Дар пайи ин бебарқӣ дар кишвар се ҳодисаи марги дастаҷамъии хонаводаҳо, ки бар асари асари дуди ангишт фавтиданд, рух дод ва аксари қурбониёнашон кӯдакони ноболиғ буданд.
Танҳо дар як ҳолат шаш сокини ноҳияи Фирдавсии шаҳри Душанбе, ки ҳамагӣ узви як хонавода буданд, бар асари дуди ангишт ҷон бохтонд. Гуфта мешавад, дар ҳавои сард масъулини “Барқи тоҷик” барқро қатъ карданд ва падари оила хоста, ки хонаи сардро бо ангишт гарм кунад, вале дуди он ҳамагиро ҳалок кард.
Ба қавли расонаҳо, ин шаш нафар иборат аз падари 38-солаи ин хонавода, модари 37-сола, фарзандони 11, 9, 8 ва 6-сола буданд. Ҳамсояҳо аз марги онҳо нисфирӯзии 28-уми март бо хабар шуданд.