Аъзои Созмони Ҳамкориҳои Шанхай (СҲШ) Ҷумҳурии исломии Эронро ба узвияти комилҳуқуқи ин созмон пазаруфтанд.
17-уми сентябр, Амир Абдулоҳиён, Вазири хориҷии Эрон гуфт, Эрон ба узвияти СҲШ пазируфта шуд. Абдулоҳиён дар Твиттер навиштааст, ки “бо камоли хурсандӣ акнун санади узвияти доимии Ҷумҳури исломии Эрон дар Созмони ҳамкори Шонгҳой дар шаҳри Душанбе бо ҳузури раисҷумҳури муҳтарами кишварамон ба тайиди сарон расид”.
Эрон солҳои тӯлонӣ ба ҳайси узви нозири СҲШ буд ва интизор мерафт узвияти Эрон дар соли 2017 дар шаҳри Тошканди Ӯзбекистон ба тайид сарони ин созмон мерасид, аммо бо мухолифати Тоҷикистон узвияти Эрон то имрӯз ба таъхир уфтод.
Раисҷумҳури Русия зимни суҳбати онлайни худ дар ин конфронс аз пазируфтани Эрон ба узвияти СҲШ ҳимоят кард ва гуфт мо ҳамеша ҷонибдори пайвастани Эрон ба СҲШ будем ва ҳузури Эрон дар раванди тавсеъаи ҳамкориҳои ин созмон бисёр муҳим аст.