32.9 C
Dushanbe

Фаврӣ: Эътирози сокинон дар Хорӯғ ба хушунат кашида шуд

Наворҳои ахир аз шаҳри Хорӯғи Вилояти Мухтори Кӯҳистони Бадахашон дар шабакаҳои иҷтимоӣ гувоҳӣ медиҳанд, ки эътирози сокинон дар маркази ин вилоят ба

Акс аз сафҳаи Додоҷони Атовулло аз Фейсбук

Дар ин наворҳо дида мешавад, ки ҷамъе аз сокинон барои додхоҳӣ аз раҳбарият ва мақомоти вилоят ҷанозаи марҳум Гулбуддин Зиёбековро кафанчек карда, рӯйи дастонашон мебаранд, то ба суолҳои худ посух бигиранд ва бифамҳманд, ки чаро ин ҷавонро куштаанд, аммо аз тарафи муқобил баҷои ҳарфи онҳоро шунидан, ба сӯи онҳо тир холӣ мекунанд.

Бо ин ҳол, ҳанӯз маълум нест, ки тирҳои парронда шуда, тирҳои воқеӣ будаанд ё тирҳои резинӣ ба хотири пароканда кардани ҷамъи эътирозгарон.

Тибқи гуфтаи манбаи Аздо тв аз Хорӯғ, шаби 24-ум ба 25-уми ноябри соли ҷорӣ Гулбуддин Зиёбеков, як сокини ноҳияи Роштқалъаи Вилояти Мухтори Кӯҳистони Бадахшон дар хонаи истиқоматиаш тавассути кормандони прокуратураи вилоят аз ноҳияи сараш парронда шуд.

Аммо Маркази матбуоти прокуратураи ВМКБ баракс худи Зиёбековро гунаҳкор дониста, мегӯяд, ӯ чандест дар ҷустуҷӯ қарор дошт.

“Зиёбеков Г.З. бо ҳамдастонаш аз гурӯҳи муташаккили ҷиноятӣ, 1 феврали соли 2020 ёрдамчии Прокурори ноҳияи Роштқалъа Абирзода А.-ро гаравгон гирифта, дар  деҳаҳои Анҷим ва Барҷангали ҳамин ноҳия муддати 8 соат мавриди латукӯб ва шиканҷа қарор дода буданд. Вобаста ба ҳолати мазкур нисбат ба Зиёбеков Г.З. ва ҳаммаслаконаш аз тарафи Прокуратураи ВМКБ  парвандаи ҷиноятӣ оғоз гардид. Вале ӯ ва шарикони ҷиноятпешааш даъватҳои чандинкаратаи мақомоти тафтишотиро нодида гирифта, барои додани нишондод ҳозир нашуданд. Аз ин рӯ, дар кофтукови расмӣ қарор доштанд.”, – омадааст дар хабари маркази матбуоти ВМКБ.

Манбаи Аздо тв аз ВМКБ ин иддаои мақомотро рад карда, мегӯяд, ки мақомоти кишвар мехоҳанд бо роҳҳои зӯроварӣ ва кушодани парвандаҳои сохта мардум ин вилоятро зери итоати худ дароваранд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

“Гурӯҳи 24” рафтори мақомоти рус ва беамалии мақомоти тоҷикро маҳкум кард

Ҳаракати сиёсии “Гурӯҳи 24” бо нашри изҳороте рейду боздошт ва латтукӯби муҳоҷиронро дар шаҳру ноҳияҳои Русия муносибати ғайриинсонӣ ва бераҳмонаи мақомоти давлатии ин кишвар номид.

Шикояти вакилони дифоъи Хуршед Фозилов

Вакилони дифои рӯзноманигори зиндонӣ Хуршед Фозилов аз болои ҳукми Додгоҳи Панҷакент ба Додгоҳи вилояти Суғд шикоят бурдаанд.  

Латтукӯби муҳоҷирон ва ба маконҳои номаълум бурдани онҳо идома дорад

Чанд рӯзи ахир боздошт ва латтукӯби муҳоҷирон, бахусус муҳоҷирони тоҷик аз ҷониби нерӯҳои амниятӣ ва интизомии Русия бештар шудааст.

Рафту омад дар роҳи Душанбе-Хуҷанд маҳдуд шуд

Шуруъ аз имрӯз, 1-уми июни соли ҷорӣ дар шоҳроҳи Душанбе-Чаноқ барои рафту омади мошинҳо маҳдудият ҷорӣ шудааст.