14.9 C
Dushanbe

Фаврӣ: 1 кушта ва 6 захмӣ дар тазоҳуроти Хорӯғ

Манобеи Аздо тв итттилоъ доданд, ки дар натиҷаи тирпарронии нерӯҳои амниятии Тоҷикистон ба сӯи тазоҳуркунандагон дар шаҳри Хорӯғ як нафар кушта ва 6 каси дигар захмӣ шудааст.

Акс аз навори видеоии тазоҳуркунандагон дар Хорӯғ

Гуфта мешавад, айни ҳол интернет ва тамоми анвои алоқа дар Хорӯғ қатъ шудааст, аз ин рӯ тафсилоти дақиқи бархӯрди шадиди нерӯҳои амниятӣ бо мардум дастарс нест.

Инчунин хабар расид, ки муҳоҷирон аз ВМКБ, ки дар Русия кору зиндагӣ мекунанд, имрӯз дар назди Сафорати Тоҷикистон дар Маскав низ тазоҳурот карда, амалкарди нерӯҳои интизомии Тоҷикистон бо мардуми Хорӯғро маҳкум карданд.

Ҳоло дақиқ нест, ки пулиси Маскав касеро аз тазоҳуркунандагон боздошт кардааст ё не.

Субҳи имрӯз, 25-уми ноябр сокинони шарҳир Хорӯғ ба хотири кушта шудани Гулбуддин Зиёбеков, сокини Роштқалъа аз ҷониби маъмурони проукратураи вилоятӣ даст ба эътироз заданд.

Манбаи Аздо тв аз Хорӯғ хабар дод, ки ин ҳодиса шаби 24-ум ба 25-уми ноябри соли ҷорӣ дар хонаи истиқоматии Зиёбеков рух дод. Манбаъ гуфт, Зиёбеков тавассути кормандони прокуратураи вилоят аз ноҳияи сараш парронда шуд.

Аммо дафтари матбуоти пркуратураи ВМКБ дар изҳороте гуфт, Зиёбеков дар кофтуков қарор дошт ва бо маъмурони интизомӣ даргирӣ намуда, боздошт шуд. Мақомт аз кушта шудани ӯ чизе намегӯяд, аммо сокинон ҷасади ӯро ба шаҳри Хорӯғ бурда дар назди бинои ҳукумати шаҳр гузошта, даст ба эътироз заданд. Тазоҳуркунандагон аз мақомот талаб намуданд, ки муҷримон боздошт ва ба ҷавобгарӣ кашида шаванд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Тоҷикистон шомили кишварҳои олудатарини ҷаҳон шуд

Созмони швейтсариягии IQAir, ки сифатнокии ҳаворо дар кишварҳои ҷаҳон таҳқиқ мекунад, дар гузориши тозааш Тоҷикистонро шомили кишварҳои олудатарини дунё кардааст.

Шикояти муҳоҷирони тоҷик дар Русия аз боздошту шиканҷа

Пас аз ҳодисаи ҳамла ба бинои "Крокус Сити Ҳолл" дар Маскав муҳоҷирони тоҷик аз ҷониби пулис ва ҳатто мардуми оддӣ мавриди ҳамлаҳои лафзӣ ва ҷисмӣ қарор гирифтаанд.

Ҳабси пешакии гумонбарон дар ҳамлаи хунини Русия

Пас аз ҳодисаи ҳамла ба бинои "Крокус Сити Ҳоле" дар Маскав муҳоҷирони тоҷик аз ҷониби пулис ва ҳатто мардуми оддӣ мавриди ҳамлаҳои лафзӣ ва ҷисмӣ қарор гирифтаанд.

Баррасии ҳамкориҳои Тоҷикистону Туркия

Мақомоти баландпояи Тоҷикистон ва Туркия дар бораи ҳамкориҳои худ ва аз он ҷумла дар бораи масоили амниятӣ суҳбат карданд.