Афғонистон

Ғанӣ: Ман фирор накардаам!

Президенти собиқи Афғонистон Ашраф Ғанӣ, ки пас аз ишғоли Толибон аз Кобул фирор кард, бо нашри як навори видеоӣ мегӯяд, ки ӯ фирор на кардааст, балки "маҷбур сохта шудам кишварро тарк кунам."

Пеш аз ин 18-уми август Вазорати умури хориҷии Имороти Муттаҳидаи Араб эълом карда буд, ки Амороти Муттаҳидаи Араб аз Ашраф Ғанӣ ва хонаводааш ба далоили башардӯстона истиқбол карда ва ӯ феълан дар ин кишвар басар мебарад.

Пас аз он дар ҳамон рӯзи 18-уми август Ғанӣ дар саҳфаи Фейсбукаш ба мардуми Афғонистон паём дода гуфт: "намехост хунрезиро дар пойтахт ба вуҷуд орад". Ба гуфтаи ӯ, ҷангиёни Толибон ваъда дода буданд, ки ба Кобул ворид намешаванд, аммо қасри раёсати ҷумҳури Афғонистонро пешакӣ иҳота кардаанд.

Ғанӣ мегӯяд, ки “агар ман мемондам шоҳиди хунрезӣ ва вайронии Кобул мебудам”. Ба иддаои собиқ Президенти Афғонистон, Толибон ва ҳамкоронии дохиливу хориҷии онҳо гуфтаанд, ки агар Ғанӣ бимонад онҳо роҳи мусолиматомезеро намебинанд.

Ҳамчунин Ғанӣ дар ин навор иброз дошт, Толибон ва чеҳраҳои ношинос, ки ба забони кишвари Афғонистон ошно набуданд, вориди арк (қасри Президент) шуда, утоқ ба утоқ гашта ӯро ҷутуҷӯ мекарданд. Агар ӯро пайдо мекарданд, таърихи 25 соли пеш такрор мешуд, яъне ӯро мисли Наҷиб (собиқ президенти Афғонистон) ба дор меовехтанд.

Ашраф Ғанӣ гуфт, ки маълумоте, ки гӯё аз хазинаи давлат  169 миллион долларро  дуздидааст, дурӯғ аст. "Айбдоркуниҳо дар бораи онки як чархболро бо пул пур карда, гурехтам комилан беасос аст ва дурӯғ аст. Ман бо як курта, салла ва кафш кишварро тарк кардам” гуфт ӯ.

Қаблан сафири Афғонистон дар Тоҷикистон Муҳаммад Зоҳири Ағбар фирори Ғаниро "хиёнат ба давлат ва миллат" номида, гуфта буд, ки Ашраф Ғанӣ бо худ 169 миллион долларро, ки ба мардуми Афғонистон тааллуқ дорад, бурдааст. Пеш аз ӯ сафорати Русия дар Кобул иддаъо карда буд, ки Ашраф Ғанӣ чор мошин пулро бо худ бурдааст.

Ашраф Ғанӣ дар паёми видеоии худ таъкид кард, ки намехоҳад ҷилои ватан ва фирорӣ бошад. "Ман дар Имороти Муттаҳидаи Араб ҳастам, аммо дар ояндаи наздик ба кишварам бармегардам" гуфт ӯ ва ишора кард, ки то бозгашт ба ватанаш "бо дигарон машварат намуда истодааст". Ашраф Ғанӣ гуфт, ки талошҳояшро "барои ба даст овардани адолат барои афғонҳо" идома хоҳад дод.

Президенти собиқ аз мардуми Афғонистон даъват кард, ки бовар накунанд, ки ӯ мардуми худро барои манфиатҳои молиявии худ фурӯхт ва барои наҷоти ҷони худ гурехт.

Муҳаммад Ашрафғанӣ рӯзи 15-уми августи 2021 Афғонистонро тарк кард ва то рӯзи 18-уми август дақиқ куҷо будани вайро касе намедонист.

Хонандагони азиз, лутфан, ҳар хабару гузоришеро, ки мушоҳида мекунед ва ё пешниҳоду суоле доред, метавонед онро ба мо, тариқи почтаи электронӣ, Telegram, WhatsApp, Viber ва Imo ба ин рақам:

Матолиби дигари Афғонистон

Афғонистон

Тоҷикистон: Афзоиши таҳдиди хатарҳо аз Афғонистон

Афғонистон

Ҳушдори таҳдидомези Толибон ба нерӯҳои ҷабҳаи муқовимат

Афғонистон

Интиқоли Ашраф Ғанӣ аз Аморот ба Амрико

Афғонистон

Задухӯрдҳои шадид байни Толибон ва ДИИШ дар Кобул