24.9 C
Dushanbe

Гумонбарон дар қатли занҷираии Конибодом боздошт шуданд?

Мақомот гумонбарон дар қатли занҷираӣ дар шаҳри Конибодоми вилояти Суғдро боздошт кардаанд.

Бино ба иттилои манобеи Azda.tv, гумонбарон 11 нафар буда, ҳангоми кӯшиши убури марзи Тоҷикистону Узбекистон дастгир шудаанд.

Ба иддаои манбаъ, ҳамаи онҳо зодагони Ҷумҳурии Узбекистон будаанд. Гуфта мешавад, онҳо замоне боздошт шуданд, ки ҳангоми убур аз марз нерӯҳои марзбонӣ пай бурдаанд, ки изи ангушташон ба изи ангушти ҷинояткорони қатли занҷираии Конибодом шабоҳат доштааст.

То ҳол мақомоти Тоҷикистон ин хабарро таъйид ё рад накардааст. Инчунин Azda tv натавонист ин хабарро аз манбаъҳои дигар тасдиқ кунад.

Ёдовар мешавем, ки тайи се моҳи охир расонаҳо дар бораи кушта шудани аъзои дастикам чор оила дар шаҳри Конибодом гузориш дода буданд ва аз он ду ҳодиса дар охири моҳи май рӯй додааст.

Бино ба гузориши Радиои Озодӣ, дар деҳаи Санҷидзори шаҳри Конибодом шаби 28 ба 29-уми май шаш узви ду оила кушта шудаанд. Як оилаи кушташуда тоҷик ва хонаводаи дигар қирғиз буда, пайвандонашон гуфтанд, дар бадани онҳо аломати куштори маҷбуриро диданд ва ҷасадҳоро дафн карданд.

Сокинони минтақа ва баъзе аз пайвандононашон ба расонаҳо гуфтаанд, ки аз манзили кушташудаҳо маблағу дороӣ гум шудааст. 

Дар ҳамин ҳол, Радиои Озодӣ дар истинод ба сокинони деҳаҳои шаҳри Конибодом гузориш додаанд, ки чанд ҳафтаи ахир афроди сиёҳпӯшу шубҳаовар талоши ворид шудан ба хонаҳои сокинонро кардаанд ва охирон маротиба чунин талоше шаби 11-уми июн ба ҳавлии оилаи Мақсудовҳо, дар маркази шаҳри Конибодом, мушоҳида шудааст.

Сокинони шаҳри Конибодом ҳоло дар тарсу ҳарос зиндагӣ ва барои бехатариву муҳофизати худ чораандешӣ доранд. Аммо мақомоти интизомӣ то ҳол хомӯшанд ва ангеза ё сабаби кушторҳои занҷираиро дар ин шаҳр расман шарҳ надодаанд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Кумаки 141 миллионии ИА ба Тоҷикистон

Иттиҳоди Аврупо эълон кардааст, ки зиёда аз 140 миллион евро ба Тоҷикистон кумак мекунад.

Рушди беш аз 8%-и иқтисоди Тоҷикистон

Гузоришгарони Бонки ҷаҳонӣ мегӯянд, рушди иқтисоди Тоҷикистон дар 16 моҳи ахир беш аз 8% тавсеа ёфтааст.

Баррасии ҳамкориҳои Тоҷикистон ва Иттиҳоди Аврупо

Мақомоти боломақоми Тоҷикистон ва Иттиҳоди Аврупо дар бораи ҳамкориҳои дирӯз ва имрӯзи худ гуфтугӯ карданд.

Шикояти мардум аз беобӣ дар Тоҷикистон

Бархе сокинони шаҳри Бохтар, маркази вилояти Хатлон мегӯянд, ки чор моҳ боз мардум аз беобӣ азият мекашанд ва касе дар вилоят ба доди онҳо намерасад.