-3.1 C
Dushanbe

Юсуф Раҳмон ҲНИТ-ро дар Саудӣ муаррифӣ кард

Тоҷикистон талош дорад Арабистони Саудӣ расман мухолифон, аз ҷумла ҲНИТ-ро ҳамчун созмони террористӣ эътироф кунад.

Бино ба иттилои рӯзномаи ар-Риёзи Араибстони Саудӣ, шанбеи 27-уми августи соли 2022 Юсуф Раҳмон, додситони кулли Тоҷикистон дар раъси як ҳайате вориди ин кишвар шуд.

Ба қавли манбаъ, Юсуф Раҳмон дар мулоқот бо ҳамтои Арабистониаш Сауд бин Абдуллоҳ ал-Муъҷиб дар робита ба салоҳиятҳои прокуратура, коркарди ҳукумати электронии пешрафта дар соҳаи мақомоти прокуратура ва дигар мавзуъҳо суҳбат кардааст.

Инчунин сомонаи прокуратураи Тоҷикистон ҳам хабар додааст, ки “дар рафти он масъалаҳои муқовимат ба терроризми байналмилмилалӣ ва ифротгароӣ, тундгароӣ, хариду фурӯши одамон, муомилоти ғайриқонунии маводи нашъадор, дар ҳудуди Арабистони Саудӣ ҳамчун террористӣ эътироф намудани баъзе ташкилот ва гурӯҳҳои террористӣ-экстремистӣ ва дигар зуҳуроти ҷинояткории трансмиллӣ муҳокима гардиданд.”

Гуфта мешавад, мақомоти Тоҷикистон 7 сол инҷониб талош доранд, ки Ҳизби наҳзати исломии Тоҷикистон ва созмонҳои мухолифинро дар минтақа ҳамчун созмони террористӣ ва ифротгароӣ муаррифӣ кунанд, аммо то ҳол муваффақ нашуданд.

Бо вуҷуди он ки моҳе пеш Игор Краснов, додситони кулли Русия зимни як сафар ба Тоҷикистон эълон карда буд, ки қасд доранд, ҲНИТ-ро созмони террористӣ эълон кунанд, аммо то ҳол дар ин бора хабари ҷадиде нашр на шудааст. Бо ин ҳол ин хабар мақомоти Тоҷикистонро хушҳол ва вокуниши раҳбарони ҲНИТ-ро ба бор оварда буд.

Акнун, вақте Юсуф Раҳмон мегӯяд, ки “муқовимат ба терроризми байналмилмилалӣ ва ифротгароӣ” дар раъси онҳо созмонҳои мухолифи ҳукумати Эмомалӣ Раҳмон, аз ҷумла ҲНИТ-ро дар назар дорад ва бо ҳамин хотир таъкид мекунад, “бо ҳадафи мубориза бо терроризм ва маблағгузории он, пулшӯӣ, ҷиноятҳои фаромарзӣ ва табодули таҷриба Ёддошти тафоҳум имзо кардаанд.”

Арабистони Саудӣ яке аз кишварҳое ба шумор меравад, ки нисбат ба мухолифони сиёсӣ ва дигарандешон дар кишвараш бисёр сахтгир аст. 9-уми августи соли ҷорӣ расонаҳои арабӣ барои 34 сол аз озодӣ маҳрум шудани Салмо Аш-Шаҳоб, як зани 34-сола, ки ҳамчун фаъоли ҷомеаи маданӣ дар ин кишвар шинохта мешуд, хабар доданд.

Коршиносон бар ин назаранд, ки Саудӣ дар террористӣ эътироф кардани созмонҳои мамнуъ дар Тоҷикистон ва Русия шояд кӯтоҳӣ накунад ва эҳтимол меравад онҳоро дар фурсатҳои наздик дар рӯйхати созмонҳои мамнуъи худ ворид кунад.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Аз Насимҷон Шарифов то ҳол хабаре нест

Бо гузашти се рӯз аз Насимҷон Шарифов, намояндаи Ҳаракати...

Мудири шуъбаи “Қаряи Боло” боздошт шуд

Мудири шуъбаи беморхонаи "Қаряи Боло"-и пойтахт бо иттиҳом даст доштан дар тасарруфи беш аз 70 ҳазор сомонӣ боздошт шудааст.

Як сарбози амрикоӣ дар назди сафорати Исроил худро оташ зад

Рӯзи якшанбе, 25-уми феврали соли ҷорӣ як сарбози нерӯҳои ҳавоии Амрико дар назди сафорати Исроил дар Вашингтон худро оташ зад.

Музокироти пинҳонии Тоҷикистон бо Толибон

Мақомоти Тоҷикистон бо намояндаҳои Толибон ба сурати пинҳонӣ дар шаҳри Душанбе мулоқот кардаанд.