32.9 C
Dushanbe

“Isloh TV” дубора фаъол шуд

“Isloh TV” дар муддати камтар аз 24 соат баъди масдуд шуданаш, барқарор шуд ва ба фаъолияти худ идома медиҳад.

Шабакаи ютубии “Isloh TV”-марбут ба Муҳаммадиқболи Садриддин, яке аз мухолифони сарсахти ҳукумати Тоҷикистон, ки  бо сабаби шикоятҳои зиёд масдуд шуда буд, аз нав барқарор гардид.

Масъулони Isloh TV дар суҳбат ба Azdo.tv гуфтанд, ки ба “Ютуб” дархости бознигарии бастани шабакаро карданд ва ин дархости онҳо дар муддати камтар аз 24 соат қабул гардид ва ютуб барои овардани як чунин мушкилот узр хостааст.

Дар номаи ҷавобии “Ютуб” гуфта мешавад, ки “Салом Isloh TV ! Тафтиши такрории мо нишон дод, ки шабакаи Шумо ягон қоидаи “Ютуб”-ро вайрон накардааст. Ва тасмим гирифтем, ки ҳисоби Шуморо барқарор кунем. Ин маънои онро дорад, ки он боз фаъол аст ва Шумо метавонед онро истифода баред. Мутаассифона, баъзан мутахассисони мо ба хатогӣ роҳ медиҳанд. Мо барои ҳаргуна нороҳатие, ки оварда шуд узр мехоҳем.”

Гуфтанист, ин аввалин ҳодисае буд, ки як шабакаи пурбинандаи мухолифин бо сабаби шикоятҳои зиёд баста мешавад.

“Isloh TV”, ки тақрибан як рӯз масдуд буд, сабаби он вайрон кардани қоидаҳои “Ютуб” (таҳқир ва таҳдид) гуфта мешуд.

Шабакаи мазкур яке аз сербинандатарин шабакаҳои ютубии мухолифон ба шумор рафта, он 151 ҳазор обуна ва ҳудуди 80 миллион боздид дорад. Дар он бештар аз мушкилоти ҷомеа ва сирру асрори паси пардагии ҳукуматдорони Тоҷикистон гуфта мешавад.  

Масъули ин шабака Муҳаммадиқболи Садриддин буда, яке аз чеҳраҳои сарсахти мухолифи ҳукумати имрӯзаи Эмомалӣ Раҳмонов ба шумор меравад. Ӯ низ масъули шабакаи “Isloh plus” ва сомонаи isloh.net мебошад.

Хабарро таблиғ кунед:

БЕШТАР БИХОНЕД
БЕШТАР БИХОНЕД

“Гурӯҳи 24” рафтори мақомоти рус ва беамалии мақомоти тоҷикро маҳкум кард

Ҳаракати сиёсии “Гурӯҳи 24” бо нашри изҳороте рейду боздошт ва латтукӯби муҳоҷиронро дар шаҳру ноҳияҳои Русия муносибати ғайриинсонӣ ва бераҳмонаи мақомоти давлатии ин кишвар номид.

Шикояти вакилони дифоъи Хуршед Фозилов

Вакилони дифои рӯзноманигори зиндонӣ Хуршед Фозилов аз болои ҳукми Додгоҳи Панҷакент ба Додгоҳи вилояти Суғд шикоят бурдаанд.  

Латтукӯби муҳоҷирон ва ба маконҳои номаълум бурдани онҳо идома дорад

Чанд рӯзи ахир боздошт ва латтукӯби муҳоҷирон, бахусус муҳоҷирони тоҷик аз ҷониби нерӯҳои амниятӣ ва интизомии Русия бештар шудааст.

Рафту омад дар роҳи Душанбе-Хуҷанд маҳдуд шуд

Шуруъ аз имрӯз, 1-уми июни соли ҷорӣ дар шоҳроҳи Душанбе-Чаноқ барои рафту омади мошинҳо маҳдудият ҷорӣ шудааст.