-1.1 C
Dushanbe

Изҳори нигаронии CPJ аз шумораи зиёди рӯзноманигорони зиндонӣ

Кумитаи дифоъ аз хабарнигорон (CPJ) бо нашри гузорише гуфт, ки 320 хабарнигор дар паси панҷара қарор доранд.

Ин гузориш, ки рӯзи 18-уми январ нашр шудааст, дар он гуфта мешавад, ки Исроил миёни кишварҳое, ки аз ҳама бештар рӯзноманигоронро зиндонӣ кардааст, пас аз Чин (44 рӯзноманигор), Мянмар (43), Беларус (28), Русия ва Ветнам, бо Эрон (17) дар ҷаҳон дар зинаи шашум қарор дорад.

Бино ба иттилои расонаҳо, бариловаи зиндонӣ шудани рӯзноманигорон тавассути Исроил, ҳангоми ҳамлаҳои ин кишвар ба Ғазза шумори журналистони кушташуда ба 119 нафар расидааст.

Ба гуфтаи гузоришгарони CPJ, рӯзноманигорон дар аксар зиндонҳои ҷаҳон шароити бад дошта, бо хушунати ҷисмонӣ ва ҷинсӣ, пур будани зиндонҳо, камбуди ғизову об ва хидматрасонии бади тиббӣ рӯбарӯ мешаванд.

Аксари рӯзноманигорон ҳатто пас аз адои ҳукми зиндон бо маҳдудиятҳо рӯбарӯ мешаванд ва ин натанҳо ба мавҷудияти онҳо таъсир мерасонад, балки ба ҳукуматҳои репрессивӣ имкон медиҳад, ки садои онҳоро хомӯш кунанд.

Дар гузориш гуфта мешавад, ки баъзе ҳукуматҳо аз саркӯбии фаромиллӣ истифода бурда, хабарнигоронро берун аз ҳудуди худ таҳдид ва таъқиб мекунанд.

Пажӯҳишҳои CPJ ҳамчунин нишон додаанд, ки беш аз 65% (209) рӯзноманигорон барои гузоришҳои интиқодии худ аз ҷониби мақомомот ба паҳн кардани хабарҳои бардурӯғ ва машғул шудан ба фаъолиятҳои зиддидавлатӣ, аз қабили терроризм муттаҳам шудаанд.

Инчунин гузоришгарони CPJ аз вазъи р=зноманигорон дар Тоҷикистон ёдовар шуда, гуфтаанд, ки Тоҷикистон ҳамоно дар миёни кишварҳои Осиёи Марказӣ бо рӯзноманигорони зиндонияш дар ҷойи аввал қарор дорад ва мақомоти Тоҷикистон бо ҳукмҳои сангин фазои тарсолуд ва худсонсуриро дар миёни журналистон эҷод кардааст.

Гуфта мешавад, мақомоти Тоҷикистон танҳо дар солҳои 2022-2023 бо иттиҳоми сохтаи ҳамкорӣ бо “созмонҳои мамнуъ” Абдулло Ғурбатӣ, Завқибек Саидаминӣ, Абдусаттор Пирмуҳаммадзода ва Хуршед Фозилов аз 7 то ба 7.5 сол, Хушом Ғулом – 8 сол, Далери Эмомалӣ – 10 сол ва Улфатхоним Мамадшоеваро ба 20 соли зиндон маҳкум кардаанд.

Пештар аз ин низ, CPJ дар гузорише рӯзи 4-уми январи соли ҷорӣ навишта буд, ки матбуот пас аз ҷанги дохилии солҳои 90-ум дар Тоҷикистон бадтарин аҳволро дорад ва Эмомалӣ Раҳмон, раисҷумҳури Тоҷикистон пас аз се даҳаи дар сари қудрат будан, худро ҳамчун як ҳокими мутлақ муаррифӣ кард, ки таҳаммули мухолифатро надорад.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Толибон: Аҳмади Масъуд бо Иморати исломӣ байъат кардааст

Толибон мегӯянд, ки Аҳмади Масъуд, раҳбари ҷабҳаи муқовимати миллии Афғонистон бо Иморати исломӣ байъат кардааст.

Тасдиқи бемории Мамадшоева дар зиндон

Улфатхоним Мамадшоева, рӯзноманигор ва фаъоли зодаи Вилояти Мухтори Кӯҳистони Бадахшон дар зиндон аз фишорбаландӣ азият мекашад.

Бобаки Занҷонӣ баъди 10 сол озод мешавад

Бобаки Занҷонӣ, миллардер ва тоҷири шинохтаи эронӣ, ки бо иттиҳоми напардохтани беш аз 2 миллиард евро дар Теҳрон боздошт ва зиндонӣ шуда буд, озод хоҳад шуд.

Раиси Додгоҳи ноҳияи Ҷаббор Расулов бо кадом ҷурм зиндонӣ шуд?

Агентии зидди фасоди Тоҷикистон мегӯяед, раиси Додгоҳи ноҳияи Ҷаббор Расулов бо иттиҳоми гиирфтнаи пора дар ҳаҷми калон боздошт ва равонаи зиндон шуд.