14.9 C
Dushanbe

Иззат Амон дар Душанбе аз ҷониби ВКД Тоҷикистон боздошт шуд

Вазорати корҳои дохилаи Тоҷикистон имрӯз 27 март гузориш дод, ки Иззат Амон, фаъоли сиёсӣ ва ҳомии ҳуқуқи муҳоҷирон дар Русия дар Душанбе аз ҷониби ин ниҳод боздошт шуд.

ВКД дирӯз 26 март аз оғоз шудани парвандаи ҷиноятӣ нисбати Иззат Амон бо моддаи 247, қ.4 Кодекси ҷиноятии Ҷумҳурии Тоҷикистон (қаллобӣ) хабар дода буд. Тибқи ин парванда ВКД ӯро дар ҷустуҷӯи расмӣ қарор дод. Субҳи имрӯз гуфта шуд, ки Иззат Амон дар шаҳри Душанбе аз тарафи кормандони мақомоти корҳои дохилӣ дастгир ва ба ҳабси пешакӣ гирифта шуд.

Вазорати корҳои дохилаи Тоҷикистон Иззат Амонро ба он гунаҳкор меҳисобад, ки гӯё бо баҳонаи ҳимояи ҳуқуқи шаҳрвандони Тоҷикистон ва муҳоҷирони меҳнатӣ аз даҳҳо нафар маблағҳои калони пулиро гирифта аз худ кардааст.

Аммо ин иттиҳомотро худи Иззат ва наздиконаш рад мекунанд. Шаби гузашта баъзе аз атрофиёни Иззат Амон дар суҳбат бо “Аздо тв” гуфтанд, ки онҳо дар фурудгоҳи Домодедово қарор доранд ва Иззатро имшаб ба Тоҷикистон истирдод мекунанд.

Худи Иззат дар як видеои аз пеш сабтшуда, ки рӯзи 25 март дар шабакаҳои иҷтимоӣ роҳ ёфт, мегӯяд, шаҳрвандии русиягиашро лағв кардаанд ва мехоҳанд ӯро бо иттиҳомоти бофта боздошт ва ба Тоҷикистон истирдод намуда ба дасти мақомоти ин кишвар бисупоранд.

Ин бори аввал нест, ки ҳомиёни ҳуқуқи муҳоҷирон дар Русия шаҳрвандияшон лағв ва ба Тоҷикистон истирдод мешаванд. Аз ин пештар чунин ҳодисае ба сари шодравон Каромат Шарипов низ рух дода буд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Ҷузъиёти боздошти Сулаймон Давлатов аз забони вакили дифоаш

Сабаби боздошти Сулаймон Давлатов, яке аз фаъолони сиёсӣ ва паноҳанда дар Литва, ки рӯзи ҷумъаи гузашта боздошт шуда буд, маълум шуд.

Навори нави чор гумонбари ҳамла ба “Крокус”

Хадамоти федералии амнияти Русия навори ыадиде аз бозпурсии чаҳор гумонбари ҳамлаи террористӣ ба "Крокус Сити Ҳолл"-и Красногорскро нашр кард.

То 600 сомонӣ ҷарима барои идгардаки кӯдакон дар Тоҷикистон

Вазорати маориф ва илми Ҷумҳурии Тоҷикистон бо судури қароре идгардакро дар рӯзи иди Рамазон барои кӯдакони боғча то донишомӯзони мактабу донишҷӯён мамнуъ эълон кад.

Боздошти Сулаймон Давлатов дар Литва

Мақомоти Литва Сулаймон Давлатов, як фаъоли сиёсии тоҷик ва паноҳанда дар ин кишварро боздошт кард.