32.9 C
Dushanbe

“Карим”-ро аз Русия ихроҷ карданд

Мақомоти Русия варзишкори тоҷик ва қаҳрамони ду вазни созмони “Hardcore MMA” Фазлиддин “Карим” Мадраҳимовро аз ин кишвар ихроҷ карданд.

Хабари ихроҷи ин варзишкори тоҷикро аз шаҳри Тулаи Русия наздикону дӯстонаш дар суҳбат бо расонаҳои русӣ тасдиқ кардаанд.

Мадраҳимов 26-сол дошта, аз 10-солагӣ ҳамроҳи пайвандонаш дар шаҳри Тулаи Русия зиндагӣ мекард ва қаблан бо Хадамоти муҳоҷирати ин кишвар дар масъалаи ҳуҷҷатҳояш ҳеҷ мушкиле надоштааст.

Аммо дар охирҳои моҳи майи соли ҷорӣ Фазлиддин аз ҷониби мақомоти ин кишвар бо баҳонаи “ҷо доштани хатогӣ дар санадтҳо” боздошт шуда, то ин муддат дар боздоштгоҳ қарор дошт.

Фазлиддин Мадраҳимов варзишкори созмони “Hardcore MMA”-и Русия буда, қаҳрамони вазнҳои сабук ва нимсабуки ин созмон мебошад. Ӯ инчунин қаҳрамони Маскав оид ба панкратион, ғолиби мусобиқаҳои умумирусиягӣ ва байналмилалӣ оид ба самбои размӣ, қаҳрамони созмони WEF, ғолиби чандмаротибаии мусобиқаҳои самбо ва ҷудо дар сатҳҳои гуногун, инчунин дорандаи унвони номзади устоди варзиш мебошад.

Мадраҳимов бояд дар моҳи июл барои ҳимояи унвони қаҳрамониаш бо Тагир Хибиев дар Русия қуваозмоӣ мекард, аммо маълум нест пас аз ихроҷаш ӯ метавонад ба Русия баргард ё не. Худи Фазлиддин дар саҳфаи инсатгармияш навиштааст, ки “ман хубам, то дидор дар мусобиқаи моҳи июл”.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Кумаки 141 миллионии ИА ба Тоҷикистон

Иттиҳоди Аврупо эълон кардааст, ки зиёда аз 140 миллион евро ба Тоҷикистон кумак мекунад.

Рушди беш аз 8%-и иқтисоди Тоҷикистон

Гузоришгарони Бонки ҷаҳонӣ мегӯянд, рушди иқтисоди Тоҷикистон дар 16 моҳи ахир беш аз 8% тавсеа ёфтааст.

Баррасии ҳамкориҳои Тоҷикистон ва Иттиҳоди Аврупо

Мақомоти боломақоми Тоҷикистон ва Иттиҳоди Аврупо дар бораи ҳамкориҳои дирӯз ва имрӯзи худ гуфтугӯ карданд.

Шикояти мардум аз беобӣ дар Тоҷикистон

Бархе сокинони шаҳри Бохтар, маркази вилояти Хатлон мегӯянд, ки чор моҳ боз мардум аз беобӣ азият мекашанд ва касе дар вилоят ба доди онҳо намерасад.