14.9 C
Dushanbe

Додгоҳи олии Русия “террористӣ” хондани ҲНИТ-ро баррасӣ мекунад

Додгоҳи олии Русия рӯзи 14 сентябр дар ҷаласаи навбатияш дархости Додситони кулли ин кишвар дар барои террористи эълон кардани Ҳизби наҳзати исломии Тоҷикистонро баррасӣ мекунад.

Тавре расонаи “РАПСИ” аз қавли сухангӯи Додгоҳи олии Русия хабар дод, қарор аст, масъалаи террористӣ хондани ҲНИТ дар ҳудуди Русия пушти дарҳои баста баргузор шавад.

26-уми июли соли ҷорӣ Игор Краснов, додситони кулли Русия дар мулоқот бо Эмомалӣ Раҳмон, изҳор дошта буд, ки Додситонии кулли Федератсияи Русия бо дархосте ба додгоҳ муроҷиат кардааст, ки ҲНИТ дар қаламрави Русия ташкилоти “террористӣ” шинохта шавад.

“Дар мавриди Ҳизби наҳзати исломии Тоҷикистон мо аллакай ба додгоҳ бо даъвои дахлдор муроҷиат кардаем”, – гуфта буд Игор Краснов ҳангоми вохӯрӣ бо Эмомали Раҳмон.

Хадамоти матбуотии раисҷумҳури Тоҷикистон низ дар ин бора хабар дод, ки “ҷонибҳо масъалаҳои аз байн бурдани хатарҳои мавҷудаи дохилиро, ки аз ҷумла бо тамоюлҳои таҳмили идеологияи тундгароии динӣ ба ҷомеа, ҳамчунин гурӯҳҳои “хуфта”-и терроризму экстремизми байналмилалӣ алоқамандӣ доранд, муҳокима намуданд”.

Аммо Муҳиддин Кабирӣ, раҳбари ҲНИТ дар вокуниш ба ин изҳороти Русия гуфта буд, ки “Русия ҳамчун кафили раванди сулҳи тоҷикон бо террористӣ хондани ҲНИТ – як тарафи сулҳ, иштибоҳ мекунад. Ин иқдом метавонад ба ифротишавии гурӯҳҳои муътадил, афзоиши руҳияи зидирусиягӣ ва аз байн бурдани эътимод ба гуфтушунид ва роҳҳалҳои мусолаҳатомези мушкилоти Тоҷикистон анҷомад.”

Хабарро таблиғ кунед:

БЕШТАР БИХОНЕД
БЕШТАР БИХОНЕД

Тоҷикистон шомили кишварҳои олудатарини ҷаҳон шуд

Созмони швейтсариягии IQAir, ки сифатнокии ҳаворо дар кишварҳои ҷаҳон таҳқиқ мекунад, дар гузориши тозааш Тоҷикистонро шомили кишварҳои олудатарини дунё кардааст.

Шикояти муҳоҷирони тоҷик дар Русия аз боздошту шиканҷа

Пас аз ҳодисаи ҳамла ба бинои "Крокус Сити Ҳолл" дар Маскав муҳоҷирони тоҷик аз ҷониби пулис ва ҳатто мардуми оддӣ мавриди ҳамлаҳои лафзӣ ва ҷисмӣ қарор гирифтаанд.

Ҳабси пешакии гумонбарон дар ҳамлаи хунини Русия

Пас аз ҳодисаи ҳамла ба бинои "Крокус Сити Ҳоле" дар Маскав муҳоҷирони тоҷик аз ҷониби пулис ва ҳатто мардуми оддӣ мавриди ҳамлаҳои лафзӣ ва ҷисмӣ қарор гирифтаанд.

Баррасии ҳамкориҳои Тоҷикистону Туркия

Мақомоти баландпояи Тоҷикистон ва Туркия дар бораи ҳамкориҳои худ ва аз он ҷумла дар бораи масоили амниятӣ суҳбат карданд.