36.9 C
Dushanbe

ҒАНӢ КУҶО ШУД?

Муҳаммад Ашрафғанӣ пас аз адами иҷозаи фурӯд дар Тоҷикистон ба Уммон рафта, қарор аст аз онҷо ба Амрико сафар кунад. Хабар додааст шабакаи

Ҳамзамон шабакаи Алҷазираи Қатар эълом кард, ки хабар дар бораи сафари Муҳаммад Ашрафғанӣ нахуст ба Ӯзбакистон ва сипас ба Уммон дар ҳоле нашр шудааст, ки то ҳол пурра тасдиқи худро наёфтааст.

Пеш аз ин, дирӯз, 15-уми август Радиои Озодӣ дар такия ба манобеи худ хабар дода буд, ки Ғанӣ пас аз исти кӯтоҳ дар Душанбе ба Уммон сафар кард. Ба иттилои Радиои Озодӣ “мақомоти ҳавонавардии Тоҷикистон дар ҳамоҳанг кардани парвози ҳавопаймои ӯ (Муҳаммад Ашрафғанӣ) аз ҳарими ҳавоии Узбекистон, Туркманистон ва Эрон мусоидат кардаанд.”

Муҳаммад Ашрафғанӣ субҳи имрӯз дар сафҳаи фесбукиаш аз Толибон интиқод карда, сабаби тарк кардани Афғонитонро дар эҳтимоли хунрезӣ маъниндод кард, вале ӯ нагуфт, ки айни замон дар куҷо қарор дорад.

Ҳамзамон хабаргузории русии “РИА Новости” бо истинод ба сафорати Русия дар Кобул навиштааст, ки Мумаҳаммад Ашрафғанӣ бо мошинҳои пур аз пул кишварашро тарк кард ва пулҳоеро, ки бо худ бурда натавонист дар майдони ҳавоии Кобул боқӣ гузошт.

“Чор мошин пур аз пул буд, онҳо қисми дигари пулро ба чархбол пур карданӣ шуданд, аммо на ҳамааш ғунҷида буд. Ва як қисми пул дар майдони ҳавоии Кобул боқӣ монд,” – гуфт котиби матбуоти намояндагии дипломатӣ, Никита Ищенко.

Аммо Бисмиллоҳ Хон, собиқ сарпарасти Вазорати дифои ин кишвар дар сафҳаи Тевиттриаш навиштааст, “Ҷумҳурии сенафара (Ашрафғанӣ, Муҳиб ва Фазлӣ) таёраи холиро ба Тоҷикистон фиристода ва худашон Покистон рафтанд, то гузориши корашонро ба бодорашон (хоҷаашон) ташриҳ кунанд.”

Муҳаммад Ашрафғанӣ дирӯз, 15-уми августи 2021 Афғонистонро тарк кард ва то замоне, ки ин гузориш таҳия мешуд, дақиқ куҷо будани вайро ҳеч расонае гузориш накардааст. Бинобар ин, дар сурати пайдо шудани иттилооти ҷадид дар бораи ӯ, ин гузориш такмил мешавад.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Имзои 15 санади ҳамкорӣ байни Тоҷикистон ва Қатар

Маросими имзои 15 санади ҳамкорӣ байни Тоҷикистон ва Қатар бо ҳузури сарони ду кишвар дар шаҳри Душанбе баргузор шуд.

Идомаи боздошти муҳоҷирони тоҷик дар Русия

Нерӯҳои интизомии Федератсияи Русия субҳи имрӯз, 8-уми июн беш аз 27 муҳоҷири тоҷикро аз сохтмоне дар шаҳраки Котелникии вилояти Маскав боздошт карда, ба шуъбаи пулис бурдаанд. 

Сафари Додситони кулли Эрон ба Тоҷикистон

Додситони кулли Ҷумҳурии Исломии Эрон дар раъси як ҳайати боломақоми кишвар вориди Тоҷикистон шудааст.

Месси ба Амрико меравад

Футболбози 35-солаи аргентинӣ Лионел Месси на дар Арабистони Саудӣ, балкӣ дар Амрико бозӣ хоҳад кард.